Paggamit ng mga nakaiskedyul na mensahe para makatipid sa oras

Gamit ang tool para sa mga nakaiskedyul na mensahe, awtomatiko kang makakapagbahagi ng mahalagang impormasyon sa mga bisita sa mga partikular na panahon tulad ng araw ng pag‑check in. Gamit ito, makakagawa ka ng mga karaniwang mensahe at maiiskedyul mo ang mga ito sa mga panahon kung kailan malamang na gustong makatanggap ng mga bisita ng impormasyon.

Puwede ka ring gumawa ng mga mabilisang tugon. Maiikling template ang mga ito na magagamit sa pagsagot ng mga karaniwang tanong para makatipid sa oras kapag nakikipag‑usap sa mga bisita.

Pumunta sa mga setting ng pagpapadala ng mensahe sa tab na Mga Mensahe para gumawa at mag‑iskedyul ng mga mensahe.

Puwede kang gumamit ng mga shortcode para iangkop ang mga mensaheng ito. Kukuha ang mga placeholder na ito ng impormasyon mula sa listing mo at sa reserbasyon ng bisita, tulad ng mga alituntunin sa tuluyan mo at pangalan at petsa ng pag‑check in ng bisita. Siguraduhing kumpleto at napapanahon ang mga detalye ng listing mo dahil hindi maipapadala nang maayos ang mga mensaheng may shortcode na walang laman.

Gamitin ang drop‑down na menu para maglagay ng shortcode. Pagkatapos mong magsulat, iiskedyul ang mensahe sa pamamagitan ng pagpili kung aling aksyon ng bisita ang magti‑trigger sa pagpapadala nito. Puwede mong i‑edit, laktawan, o ipadala nang mas maaga sa nakaiskedyul ang isang mensahe kung kailangan.

Ganito magagamit ang mga shortcode sa nakaiskedyul na mensahe:

Minamahal na [pangalan ng bisita],

Salamat sa pagbu‑book! Nasasabik kaming patuluyin ka sa [petsa ng pag‑check in]. Bigyan kami ng impormasyon tungkol sa biyahe mo para makapaghanda kami ng maayos na pag‑check in, na kadalasang [oras ng pag‑check in] o pagkalipas nito.

Narito ang ilang munting detalye tungkol sa lugar: [kapitbahayan]

Narito ang ilang tip sa paglilibot: [paglilibot]

May mahahanap kang mga kapaki‑pakinabang na suhestyon sa pagbisita sa [lungsod] sa guidebook namin: [guidebook]. Ibibigay namin ang impormasyon sa pag‑check in ilang araw bago ang biyahe mo. Ipaalam lang sa amin kung may tanong ka.

Puwede kang mag‑iskedyul ng mensahe anumang oras. Magpadala ng mahalagang impormasyon sa panahong kailangan ng mga bisita tulad ng mga ito.

• Pagkatapos mismong mag‑book: Magpasalamat sa mga bisita pagka‑book mismo nila para ipaalam na natanggap mo ang kahilingan at magbigay ng mga detalye at tip para sa nalalapit nilang pamamalagi.
• Bago mag‑check in: Ipaalala sa mga bisita ang nalalapit nilang pamamalagi para mapaghandaan nila ang pagdating nila. Puwede mong iiskedyul ang mga mensaheng ito hanggang 14 na araw bago ang pag‑check in.
• Araw ng pag‑check in: Kahit naibahagi mo na ang mga tagubilin sa pag‑check in, kapaki‑pakinabang para sa maraming bisita na makatanggap ulit ng mahalagang impormasyon sa araw ng pag‑check in, kabilang ang mga direksyon.
• Unang araw ng pamamalagi: Makipag‑ugnayan para kumpirmahing maayos ang lahat at sagutin ang mga tanong nila.
• Pagkatapos mag‑check out: Pasalamatan ang mga bisita para sa pamamalagi sa patuluyan mo at paalalahanan silang magbigay ng review.

Posibleng nagbago ang impormasyong nakasaad sa artikulong ito mula noong na‑publish ito.