Mag‑host nang may kumpiyansa sa tulong ng aming mga patakaran at proteksyon

Marami sa inyo ang nakapagsabing gustong‑gusto ninyong ibinabahagi ang inyong tuluyan at nakikipag‑ugnayan sa mga tao mula sa iba't ibang panig ng mundo. Hindi iyon magiging posible kung hindi mo nararamdamang suportado ka habang nagho‑host.

Nauunawaan naming kailangan mo ang suporta ng Airbnb sa mga bihirang hindi kaaya‑ayang sitwasyon kung saan hindi umayon sa plano ang mga bagay‑bagay. Narito ang ilan sa mga tool, patakaran, at feature na ipinapatupad namin para matulungan kang mag‑host nang may kumpiyansa.

Natatangi sa Airbnb ang aming mga komprehensibong proteksyon para sa host, at nakakatulong ang mga ito para mapanatiling ligtas ang ating komunidad.

• AirCover para sa mga Host: Nagbibigay kami ng kumpletong proteksyon para sa bawat host sa Airbnb. Nagkakaloob ang AirCover para sa mga Host ng mga proteksyon bago ang biyahe para makatulong na matiyak ang pagkakakilanlan ng mga nagbu‑book na bisita sa pamamagitan ng pagpapatunay ng pagkakakilanlan ng bisita. Nakakatulong din ito na mapaliit ang posibilidad na magkaroon ng mga nakakaistorbong party at pinsala sa property sa pamamagitan ng teknolohiya para sa pagsusuri sa reserbasyon. Nagbibigay rin ito ng USD1 milyon na insurance sa pananagutan para sa host, USD3 milyon na proteksyon sa pinsala para sa host, at pagsaklaw para sa mga obra ng sining, mahahalagang gamit, mga nakaparadang kotse, bangka, at iba pang sasakyan.
• Mga pangunahing alituntunin: Mga maipapatupad na pamantayan na dapat sundin ng lahat ng bisita ang mga pangunahing alituntunin para sa mga bisita. Ayon sa mga pangunahing alituntunin, kinakailangan ng mga bisita na igalang ang patuluyan mo, sundin ang iyong mga alituntunin sa tuluyan, makipag‑ugnayan kaagad kung magkaproblema, at iwan ang patuluyan mo sa kalagayang hindi nangangailangan ng labis na paglilinis.
• Mga pagkansela ng host: May karapatan kang suriin ang mga review na ibinigay sa bisita at ang mga thread ng mensahe, at kanselahin ang reserbasyon kapag may dahilan ka para maniwalang gagamitin iyon para sa party. Hihilingin sa iyong magsumite ng katibayan sa Suporta sa Komunidad. Naaayon dapat ang lahat ng pagkansela sa patakaran laban sa diskriminasyon.

Bahagi ng pagho‑host ang pagtatakda ng mga dapat asahan para maiwasan ang pagkakaroon ng insidente sa simula pa lang. Narito ang ilan sa mga feature na ginawa namin para tulungan kang makahikayat ng mga bisitang mainam para sa iyong patuluyan:

• Mga setting ng kalendaryo at setting sa pag‑book: Ipaalam sa mga bisita kung ano ang mainam para sa iyo simula sa kung ilang tao ang puwedeng mamalagi sa iyong tuluyan. Piliin kung ilang gabi puwedeng mamalagi ang mga bisita, gaano kaaga sila puwedeng mag‑book, at gaano katagal ang panahong kailangan mo sa pagitan ng mga pamamalagi. Matuto pa tungkol sa pagpili ng iyong mga setting sa pag‑book
• Mga patakaran sa pagkansela: Malinaw na maitatakda ng pipiliin mong patakaran sa pagkansela kung gaano kaaga kailangang mag‑abiso ng mga bisita kung gusto nilang kanselahin ang reserbasyon nila at makakuha pa rin ng buong refund. Matuto pa tungkol sa pagpili ng patakaran sa pagkansela
• Mga alituntunin sa tuluyan: Puwedeng iangkop ang karaniwan mong mga alituntunin sa tuluyan, gaya ng pagbabawal sa paninigarilyo, vaping, o mga alagang hayop. Maipapabatid din ng mga ito sa mga bisita ang mga inaasahan mo para makapagpasya sila kung angkop para sa kanila ang iyong patuluyan. Itinatampok ang iyong mga alituntunin sa tuluyan sa apat na bahagi: sa page ng listing mo, sa screen ng kumpirmasyon kapag na‑book ng mga bisita ang patuluyan mo, sa email na Mag‑empake Na, at sa Gabay sa Pagdating na matatanggap ng mga bisita bago ang kanilang biyahe. Sa pamamagitan ng mga pangunahing alituntunin para sa mga bisita, maaaring ipatupad ang anumang isasaad mo sa karaniwan mong mga alituntunin sa tuluyan.
• Mga tool sa pagtugon: Kung hindi ka komportable sa kahilingan sa pagpapareserba, puwede kang magpasyang tanggihan iyon hangga't sumusunod ka sa patakaran laban sa diskriminasyon.

Kahit na ipinapatupad ang mga pamantayan at bagay na ito, may mga bihirang sitwasyon kung saan hindi naaayon sa inaasahan ang mga bagay‑bagay. Sa mga ganitong sitwasyon, may ilang paraan para makakuha ka ng suporta mula sa Airbnb:

• Live chat: Ang online na suporta ng Airbnb ang pinakamabilis na paraan para makuha ang kailangan mong tulong para sa mga hindi agarang isyu tulad ng pag‑update ng iyong kalendaryo o pagsasaayos ng pagpepresyo mo.
• Nakatalagang suporta para sa Superhost: Kung isa kang Superhost, madali kang makakakonekta sa ekspertong miyembro ng staff ng customer service kapag humingi ka ng tulong.
• Lokal na linya para sa emergency: Batid namin na maaaring hindi alam ng mga bisitang bumibiyahe sa mga hindi pamilyar na bansa kung paano makipag‑ugnayan sa mga lokal na serbisyong pang‑emergency, kaya naglunsad kami ng button para sa pang‑emergency na tawag sa app. Sa pamamagitan ng button na ito, direkta mong makakaugnayan ang mga lokal na tagapagpatupad ng batas at serbisyong pang‑emergency sa panahon ng aktibong reserbasyon.
• Linya ng agarang suporta: Kung nasa U.S. ka at nakakaranas ka ng pangyayaring nangangailangan ng agarang suporta kaugnay ng iyong seguridad o kaligtasan sa panahon ng aktibong reserbasyon, mabilisan kang makakakonekta sa isang espesyalista para humingi ng tulong sa pamamagitan ng aming app.

Napakahalagang patatagin natin ang tiwala para umunlad ang komunidad ng Airbnb—at umaasa kaming makakatulong ang mga proteksyon at feature na ito para matupad natin iyon. Gaya ng dati, salamat sa pagiging host.

Hindi saklaw ng proteksyon sa pinsala para sa host, insurance sa pananagutan para sa host, at insurance sa pananagutan para sa mga Karanasan ng AirCover para sa mga Host ang mga host na nag‑aalok ng mga tuluyan o Karanasan sa Japan kung saan nalalapat ang Insurance para sa Host sa Japan at Insurance sa Karanasan sa Japan. Hindi rin saklaw ang mga host na nag‑aalok ng mga tuluyan sa pamamagitan ng Airbnb Travel, LLC. Nalalapat ang Plano para sa Proteksyon ng Host sa China sa mga host ng mga tuluyan o Karanasan sa mainland China. Tandaang nakasaad sa USD ang lahat ng limitasyon sa pagsaklaw.

Sineseguro ng mga third‑party na tagapagbigay ng insurance ang insurance sa pananagutan para sa host at insurance sa pananagutan para sa mga Karanasan.

Hindi insurance at hindi nauugnay sa insurance sa pananagutan para sa host ang proteksyon sa pinsala para sa host. Sa pamamagitan ng proteksyon sa pinsala para sa host, maibabalik ang nagastos mo sa mga partikular na pinsalang dulot ng mga bisita sa patuluyan at pag‑aari mo kung hindi nila babayaran ang mga pinsalang iyon. Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa proteksyon sa pinsala para sa host. Nalalapat ang Mga Tuntunin ng Proteksyon sa Pinsala para sa Host na ito sa mga host na hindi sa Australia nakatira o nakarehistro. Para sa mga host na sa Australia nakatira o nakarehistro, nakadepende ang proteksyon sa pinsala para sa host sa Mga Tuntunin ng Proteksyon sa Pinsala para sa Host para sa mga User sa Australia.

Posibleng nagbago ang impormasyong nakasaad sa artikulong ito mula noong na‑publish ito.