Update para sa mga host na gumagamit sa feature na email alias

Batid namin kung gaano kahalaga para sa iyo ang maayos na pakikipag-ugnayan sa mga bisita mo kaya palagi kaming nagsisikap na pasimplehin ang paraan ng pakikipag-ugnayan at pagbabahagi mo ng impormasyon.

Para protektahan ang privacy ng komunidad natin, hindi kailanman ibinahagi ng Airbnb ang email address ng bisita o host sa iba pang bisita o host. Kabilang sa mga paraan kung paano puwedeng makipag-ugnayan ang mga host sa mga bisita ang aming feature na email alias. Gumagawa ito ng natatangi at anonymous na email para sa mga bisita, gaya ng stephanie-dfsnsns@guest.airbnb.com.

Ang pagpapadala ng mensahe sa pamamagitan ng Airbnb ang pangunahing paraan ng pakikipag-ugnayan ng mga host at bisita sa iba't ibang panig ng mundo. Sa Setyembre 30, 2023, ihihinto na namin ang feature na email alias.

Kung gumagamit ka ng email alias para magpadala ng mahahalagang dokumento, may iba pang paraan para maibahagi mo ang impormasyong ito sa mga bisita:

• Pagpapadala ng mensahe sa pamamagitan ng Airbnb, pagtawag, o pagte-text. Hindi magbabago ang mga feature na ito.
• Pagpo-post ng detalyadong impormasyon sa listing mo mismo. Masusuri ng mga bisita ang mga naturang detalye sa tuwing kailangan nila ang mga iyon.
• Pagpapadala ng mga link ng mga dokumento. Puwede kang magpadala ng mga link sa pamamagitan ng Airbnb.

Hindi kami tumitigil sa pagpapaganda sa mga iniaalok naming tool para matulungan kang makipag-ugnayan nang maayos sa mga bisita mo. Mahalaga rin para sa amin ang iyong feedback.