Bakit napakahalagang mabilis na tumugon sa mga bisita

Ugali ng pinakamatatagumpay na host ang tumugon sa mga mensahe ng mga bisita sa sandaling matanggap nila ang mga iyon. Sa katunayan, puwedeng tumaas ang puwesto ng listing mo sa mga resulta ng paghahanap kapag mataas ang rate sa pagtugon mo.

Partikular na mahalaga ang mabilis na pagtugon bago mag-book ang bisita kung kailan posibleng kailangan ng mga bisita ng higit pang impormasyon para magpareserba, at malapit sa petsa o oras ng pag-check in at pag-check out kung kailan posibleng kailangan ng mga bisita ng mabilisang sagot sa mga tanong nila. Humingi kami ng mga tip sa ilang host na may napakataas na rate sa pagtugon.

“Siguraduhing palaging naka-on ang mga alerto ng notipikasyon sa Airbnb app, SMS, at email mo para lumabas ang mga iyon sa mobile device mo kapag nakatanggap ka ng bagong mensahe,” sabi ni Omar na Superhost sa Mexico City.

Pagkatapos, subukan ang mga tool ng Airbnb para makapagpadala ng mga awtomatikong tugon. Gumagamit ng mga mabilisang tugon si Kath na host sa Albany, Australia. “Marami akong oras na natitipid at hindi ko na kailangang isulat nang paulit-ulit ang mga sagot ko,” sabi niya.

Nakakatulong din ang mga nakaiskedyul na mensahe lalo na sa pag-check in at pag-check out. Nagpapadala si Keshav na miyembro ng Host Advisory Board sa New Delhi, India ng nakaiskedyul na mensahe 24 na oras bago ang bawat pag-check in. May mga tagubilin iyon para sa pagpasok sa patuluyan niya at iba pang impormasyon para sa pagdating ng bisita.

“Kung hindi ko makita ang bisita kapag oras na ng pag-check in niya, nagpapadala ako ng isa pang mensahe para magtanong ng ‘Nakuha mo na ba ang lahat ng impormasyon? Ito iyon sakaling sinusubukan mong hanapin ang lokasyon,’” sabi ni Keshav.

Rate sa pagtugon ang porsyento ng mga bagong mensahe ng mga bisita na sinagot mo sa loob ng 24 na oras sa nakalipas na 30 araw.

• Kasama rito ang pagtugon sa bagong pagtatanong ng bisita at pagtanggap, paunang pag-apruba, o pagtanggi sa kahilingan sa pagpapareserba.

• Bababa ang kabuuang rate sa pagtugon mo at babagal ang average na bilis sa pagtugon mo kapag mahigit 24 na oras ang lumipas bago ka tumugon.

Isang mahalagang bahagi ng pagho-host ang paggamit lagi sa iyong Airbnb account at mabilis na pagtugon sa mga mensahe. Kapag ginawa mo ito, tataas ang rate sa pagtugon mo at ang puwesto ng listing mo sa mga resulta ng paghahanap.