Ang kailangan mong malaman tungkol sa pagpapatuloy ng mga alagang hayop

Maraming bisita ang bumibiyahe kasama ang buong pamilya nila, at kadalasang bahagi ng pamilya ang mga alagang hayop. Batid naming hindi laging posibleng magpatuloy ng mga alagang hayop. Pero kung masisiguro mong mainam para sa alagang hayop ang patuluyan mo, puwede kang magdagdag ng bayarin para sa alagang hayop sa presyo kada gabi.

Gamitin ang bayarin para sa alagang hayop para mabayaran ang paglilinis na inaasahan mong gagawin pagkatapos magpatuloy ng mga bisitang hayop, gaya ng pagva‑vacuum ng balahibo sa mga muwebles at pagpupunas ng mga marka ng ilong o paa sa mga salaming sliding door.

Puwede kang magdagdag ng bayarin para sa alagang hayop bilang bahagi ng mga setting ng presyo, at pantay na hahatiin iyon sa bawat araw ng pamamalagi ng bisita. Lalabas ang bayarin para sa alagang hayop bilang bahagi ng presyo kada gabi sa mga resulta ng paghahanap, at sa kabuuang presyo sa pag‑check out.

Maraming alagang hayop ang sanay bumiyahe kasama ng kanilang mga amo at wala gaanong dagdag na kailangan.

Pero kung pinapahintulutan mo ang mga alagang hayop sa patuluyan mo, makakatulong na magbigay ng:

• Mga kainan at inuman ng tubig
• Mga pantakip ng muwebles na mainam para sa alagang hayop
• Maraming tuwalyang pamunas ng paa ng hayop malapit sa pinto
• Scratching post at litter box (kahit gawa lang sa karton)
• Mga karagdagang panlinis

Maaaring gustong malaman ng mga bisitang bumibiyahe nang may kasamang alagang hayop kung ano ang dapat asahan sa patuluyan mo, halimbawa, kung nakabakod ang bakuran o pribado ang patyo. Siguraduhing ilagay sa mga detalye ng listing mo ang anumang feature at amenidad na mainam para sa alagang hayop.

Iba pang magagawa mo para gawing mainam para sa alagang hayop ang listing mo:

• I‑update ang iyong mga alituntunin sa tuluyan para ipaalam sa mga bisita kung ilang alagang hayop, mula isa hanggang lima, ang pinapahintulutan mo sa bawat pamamalagi. Sa iyong mga alituntunin sa tuluyan, linawin ang mga bagay tulad ng mga uri ng alagang hayop na pinapatuloy mo, kung ayos lang na iwan nang walang bantay ang alagang hayop sa patuluyan mo, kung saang bahagi ng property hindi puwedeng papuntahin ang alagang hayop, kung kailan kailangang itali ang alagang hayop, at kung saan dapat itapon ang dumi ng alagang hayop.
• I‑update ang iyong guidebook para magsama ng mga rekomendasyon para sa mga lokal na dog park, beterinaryo, at bilihan ng kagamitan para sa alagang hayop. Mainam ding magmungkahi ng mga serbisyo sa pag‑aalaga ng hayop at kulungan ng hayop.

Pansagot sa mga inaasahang gastos ang bayarin para sa alagang hayop at bayarin sa paglilinis. Gayunpaman, kahit na sinanay o mabait ang alagang hayop ng bisita, nagkakaroon pa rin paminsan‑minsan ng mga aksidente.

Para sa mga hindi inaasahang gastos na dulot ng mga alagang hayop, gaya ng pagkumpuni sa kinalmot na upuan o masusing paglilinis sa mga mantsang bunga ng aksidente, may proteksyon sa pinsala para sa host na bahagi ng AirCover para sa mga Host. Siguraduhing kunan ng litrato ang anumang pinsala at humiling ng pagbabalik ng nagastos sa pamamagitan ng Resolution Center.

Mahalagang maunawaang hindi itinuturing na alagang hayop ang mga gabay na hayop. Tumutukoy ang gabay na hayop sa aso o munting kabayo na sinanay na kumilos o gumampan sa mga tungkulin para sa taong may mga kapansanan.

Dapat mong payagang samahan ng mga gabay na hayop ang mga bisita habang namamalagi sila sa property mo maliban na lang kung bibigyan ka ng exemption. Hindi mo puwedeng singilin ang bisita ng bayarin para sa alagang hayop. Hindi ka rin puwedeng maningil ng mga karagdagang bayarin maliban na lang kung karaniwang nalalapat ang mga iyon sa lahat ng bisita. 

May mga bisitang posibleng bumibiyahe nang may kasamang hayop na nagbibigay ng emosyonal na suporta at naiiba ang mga iyon sa mga gabay na hayop. Puwede kang maningil ng mga bayarin para sa mga hayop na nagbibigay ng emosyonal na suporta maliban sa mga lugar kung saan posibleng hindi ito pinapahintulutan ng mga batas, gaya sa estado ng New York at California.

Matuto pa tungkol sa mga gabay na hayop

Hindi polisa ng insurance ang proteksyon sa pinsala para sa host at nasasaklawan ito ng mga tuntunin, kondisyon, at limitasyon na ito. Hindi nito pinoprotektahan ang mga host na nag‑aalok ng mga tuluyan sa Japan kung saan nalalapat ang Insurance para sa Host sa Japan, o ang mga host na nag‑aalok ng mga tuluyan sa pamamagitan ng Airbnb Travel, LLC. Nalalapat ang Plano para sa Proteksyon ng Host sa China sa mga host ng mga tuluyan sa mainland China. Para sa mga host na sa Australia nakatira o nagnenegosyo, nakadepende ang proteksyon sa pinsala para sa host sa Mga Tuntunin ng Proteksyon sa Pinsala para sa Host para sa mga User sa Australia. Tandaang nakasaad sa USD ang lahat ng limitasyon sa pagsaklaw.

Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa proteksyon sa pinsala para sa host. Hindi nauugnay sa insurance sa pananagutan para sa host ang proteksyon sa pinsala para sa host. Sa pamamagitan ng proteksyon sa pinsala para sa host, maibabalik ang nagastos mo sa mga partikular na pinsalang dulot ng mga bisita sa patuluyan at mga pag‑aari mo kung hindi nila babayaran ang mga pinsalang iyon.

Posibleng nagbago ang impormasyong nakasaad sa artikulong ito mula noong na‑publish ito.