Gumawa ng guidebook para magbahagi ng mga tip ng lokal

Kadalasang humihingi ang mga bisita ng mga lokal na rekomendasyon sa makakainan, mapapasyalan, mabibilhan, at magagawa sa labas. Puwede mong ilagay sa guidebook ang mga paborito mong lugar, kung saan puwedeng magkape, o kung saan magandang maglakad‑lakad.

Sa guidebook, mailalagay mo sa iisang sangguniang madaling ibahagi at i‑update ang lahat ng suhestyon mo para makatipid ka sa oras.

1. Gawin itong maikli. Padaliin para sa mga bisita na masuri ang mga rekomendasyon mo. Ipaliwanag ang lugar o karanasan at kung bakit magandang subukan iyon.

2. Gawin itong personal. Maganda ang mga rekomendasyong mula sa personal na kaalaman at karanasan. Pinakamainam na magrekomenda lang ng mga lugar na nagustuhan mo mismo.

3. Itampok ang mga katangi‑tanging feature. Banggitin ang mga bukod‑tanging feature tulad ng patyo sa labas ng restawran o mga lokal na produkto sa isang tindahan.

4. Maglagay ng litrato. Awtomatikong naglalagay ng larawan ang Airbnb sa karamihan ng mga rekomendasyon. Puwede mo ring i‑upload ang mga litrato mo ng anumang isasama mong lugar.

5. Tiyaking napapanahon ito. Suriin ang guidebook mo paminsan‑minsan para magdagdag ng bagong suhestyon at tiyaking tumpak pa rin ang lahat ng impormasyon.

Alamin kung paano maglagay ng guidebook sa listing mo

Mahahanap ng mga bisita ang guidebook mo sa listing at page ng profile mo at sa tab na Mga Biyahe nila.

Puwede ka ring mag‑set up ng mabilisang tugon para sa guidebook mo at direkta mo itong maipapadala sa mga bisita kapag nanghingi sila ng rekomendasyon.