Hanapin ang co‑host na pinakamakakatulong sa iyo sa Airbnb

Madali ka nang makakahanap ng co‑host na tutulong sa iyong asikasuhin ang patuluyan at mga bisita mo sa mismong app.

Ikinokonekta ka ng Network ng mga Co‑host sa mahuhusay na lokal na co‑host na makakapagbigay ng tulong na kailangan mo. Pumili sa listahan ng mga potensyal na partner, alamin ang karanasan niya, magsimulang magtulungan, at magbahagi ng mga payout.

Puwede kang makipagtulungan sa co‑host maging potensyal, baguhan, o batikang host ka man. Hilingin sa co‑host na mag‑asikaso ng mga partikular na gawain o mag‑host para sa iyo. Posibleng kasama sa mga serbisyo nila ang:

• Pag‑set up ng listing
• Pagtatakda ng presyo at availability
• Pangangasiwa sa mga kahilingan sa pagpapareserba
• Pagpapadala ng mensahe sa bisita
• Suporta para sa bisita sa mismong patuluyan
• Paglilinis at pagmementena
• Pagkuha ng litrato ng listing
• Interior design at pag‑iistilo
• Pag‑aasikaso ng mga lisensya at permit sa pagho‑host

Puwedeng magdagdag ang mga co‑host ng iba pang serbisyo tulad ng landscaping, pagsusuri sa negosyo, at pagpapayo tungkol sa hospitalidad. Nasa profile ng co‑host ang mga detalye ng mga serbisyong iniaalok niya.

Ilan sa pinakamahuhusay na host ang mga co‑host na nasa network. May average na pangkalahatang rating na 4.86 na star mula sa mga bisita at apat na taong karanasan sa Airbnb ang mga co‑host. Sa kasalukuyan, 73% sa kanila ang mga Superhost at 84% ang nagho‑host ng kahit isang listing na Paborito ng bisita.

Kasalukuyang magagamit ang Network ng mga Co‑host sa Australia, Brazil, Canada, France, Germany, Italy, Mexico, Spain, UK, at US. Magagamit ang network sa mas marami pang bansa sa 2025.

Gamitin ang Network ng mga Co‑host para maghanap at makakilala ng nag‑aalok ng mga serbisyong kailangan mo.

Maghanap ng co‑host:

• Ilagay ang address ng patuluyan mo para maghanap sa network ng co‑host na nasa malapit. May lalabas na mga profile ng mga lokal na co‑host na naka‑rank ayon sa mga salik na tulad ng lokasyon, pakikipag‑ugnayan, at husay.
• Pumili ng profile ng co‑host para alamin ang karanasan, mga review, mga listing na hino‑host, sinisingil, at iba pang detalye niya.
• Magpadala ng mensahe sa lahat ng namumukod‑tangi para sa iyo. Ipakilala ang sarili mo at magbigay ng detalye tungkol sa mga kailangan mong serbisyo.
• Mainam na magtanong pa at talakayin ang mga inaasahan mo sa magiging co‑host.

Magpatulong sa co‑host:

• Pagpasyahan ang co‑host na gusto mong makipagtulungan sa iyo. Mainam na ilagay sa pormal na kasunduan ang mga detalye ng partnership ninyo.
• Pumunta sa listing mo sa Airbnb. Padalhan ang bagong partner mo ng imbitasyong maging co‑host at itakda ang mga pahintulot niya sa listing mo. May dalawang linggo siya para tanggapin iyon.
• Piliing magbigay ng bahagi ng payout mo mula sa bawat booking sa pamamagitan ng Airbnb.*

Nasa app ang lahat ng tool na kailangan mo para makipagtulungan sa co‑host. Magagawa mong:

• Direktang magpadala ng mensahe sa co‑host.
• Imbitahan siyang i‑host ang listing mo.
• Itakda ang mga pahintulot niya sa pangangasiwa sa listing mo.
• Magbigay sa co‑host mo ng bahagi ng mga payout mula sa mga booking.*

Matuto tungkol sa pagiging co‑host

*May ilang nalalapat na paghihigpit depende sa lokasyon ng host, co‑host, at listing.

Available ang Network ng mga Co‑host sa France, Spain, Italy, Germany, United Kingdom, Australia, Mexico (hatid ng Airbnb Global Services Limited), Canada, United States (hatid ng Airbnb Living LLC), at Brazil (hatid ng Airbnb Plataforma Digital Ltda).

Karaniwang may matataas na rating, may mababang rate sa pagkansela, at matagal nang nagho‑host sa Airbnb ang mga host na nasa Network ng mga Co‑host. Batay ang mga rating sa mga review ng mga bisita para sa mga listing na hino‑host o kino‑cohost nila, at posibleng hindi narerepresenta ng mga rating ang mga natatanging serbisyong ibinibigay ng mga co‑host.

Posibleng nagbago ang impormasyong nakasaad sa artikulong ito mula noong na‑publish ito.