May mga kapaki‑pakinabang na bagong insight na makukuha sa dashboard ng kita

Mas mahusay mong mapapatakbo ang negosyo mong pagho‑host kung nauunawaan mo ang mga kinikita mo. Kaya naman idaragdag namin ang mga bagong feature na ito sa dashboard ng kita alinsunod sa feedback ng mga host.

• Mga iniangkop na ulat: Gumawa ng mga ulat ng kita para sa anumang listing at hanay ng petsa na pipiliin mo.
• Mag‑filter ayon sa uri ng kita: Alamin ang kinita mo sa mga pamamalagi, credit, paglutas, at higit pa.
• Mga card ng kita: Ipapaalam namin sa iyo kapag ipinadala na ang mga bayad.

Ganito gamitin ang mga feature na matatagpuan sa dashboard ng kita, simula sa bago.

Gumawa ng mga iniangkop na ulat para sa anumang listing at hanay ng petsa na pipiliin mo. Makakabuo pa rin ang Airbnb ng mga buwanan at taunang statement para sa iyo hanggang sa unang buwan ng pagho‑host mo.

Isinasaad ng bawat ulat ang mga detalye ng gross na kita, mga kaltas, at kabuuang net na bayad. May opsyon ka ring isama ang:

• Mga paraan ng payout na nagsasaad ng kabuuang kita kada account ng payout
• Stats ng performance na nagsasaad ng bilang ng gabing naka‑book at average na tagal ng pamamalagi

Kapag napili mo na ang gusto mong isama, puwede kang mag‑download o magpadala sa email ng PDF ng ulat para may kopya ka.

I‑filter ang kita ayon sa uri kapag sinusuri ang mga babayaran pa lang o nabayaran nang transaksyon. Narito ang mga uri:

• Mga pamamalagi
• Mga Karanasan
• Mga credit
• Mga paglutas

Puwede mo ring i‑filter ang mga transaksyon ayon sa petsa, listing, at paraan ng payout.

May lalabas na card ng kita sa dashboard ng kita kapag may ipinadalang bayad. Nakasaad dito ang:

• Paraan ng payout
• Halaga ng transaksyon
• Tinatayang tagal ng pagpoproseso

Buksan ang transaksyon para alamin ang iba pang detalye.

Nakasaad sa chart ng kita sa itaas ng dashboard:

• Kung magkano ang kinita mo kada buwan sa nakalipas na anim na buwan
• Kung magkano na ang kinita mo sa kasalukuyang buwan
• Kung magkano ang tinatayang kikitain mo kada buwan sa susunod na limang buwan batay sa mga nalalapit na booking

Palawakin ang chart para alamin ang kita ayon sa buwan o taon at gamitin ang filter para suriin ang bawat listing.

Nasa ibaba ng interactive na chart ng kita ang stats ng performance na nagsasaad sa kabuuang bilang ng naka‑book na gabi at average na tagal ng pamamalagi.

Itinatampok ng buod ng kita ang gross na kita, mga kaltas, at kabuuang net na bayad simula Enero 1 ng kasalukuyang taon.

Gamit ang icon na gear sa kanang bahagi sa itaas ng dashboard ng kita, masusuri mo ang:

• Mga paraan ng payout at alituntunin sa distribusyon ng payout
• Mga detalye ng nagbabayad ng buwis at dokumento sa pagbubuwis
• Mga ulat ng kita para sa anumang listing at hanay ng petsa
• Mga umuulit na donasyon sa Airbnb.org bilang porsyento ng bawat payout para tumulong sa mga taong nangangailangan

Kumuha na ng maagang access para masubukan ang mga bagong feature ng dashboard ng kita.

Posibleng mag‑iba depende sa lokasyon ang karanasan ng user.

Posibleng nagbago ang impormasyong nakasaad sa artikulong ito mula noong na‑publish ito.