Kilalanin pa ang mga bisita mo sa pamamagitan ng mga upgrade sa profile
Ipinaalam mo sa amin na gusto mong mas makilala ang mga taong iho‑host mo. Ngayon, hihilingin nang gumawa ng mas detalyadong profile ang mga bisitang magbu‑book ng reserbasyon o sasama sa biyahe.
Ano ang proseso para sa mga na-upgrade na profile ng bisita?
Pinadali namin ang paglalagay ng detalye sa mga profile ng bisita sa bagong proseso ng pag‑set up sa profile. Kasama rito ang may gabay na pagkuha ng litrato na tutulong sa mga bisita na maglagay ng litrato sa profile na malinaw na naghahayag sa mukha nila at walang ibang tao sa larawan.
Gaya ng profile ng host, puwedeng maglagay ang mga bisita ng mga detalye tulad ng lugar kung saan sila nakatira, mga wikang ginagamit nila, at iba pang impormasyon tungkol sa kanila para mas makilala mo ang taong mamamalagi. Kailangan pa ring patunayan ng lahat ng nagbu‑book na bisita ang pagkakakilanlan nila.
Puwede ring maglagay ang mga bisita ng mga selyo ng paglalakbay na nagtatampok sa lahat ng lugar na napuntahan na nila sa pamamagitan ng Airbnb. Nagtatampok ang mga ito ng mga iginuhit na selyong sumisimbolo sa mga naging biyahe ng bisita, tulad ng inilalagay sa passport.
Gaya ng dati, mapupuntahan mo ang profile ng bisita mula sa reserbasyon niya.
Bahagi ng 2024 Release sa Mayo ang mga upgrade sa profile at magagamit na ng lahat ng bisita ang mga ito.
Posibleng nagbago ang impormasyong nakasaad sa artikulong ito mula noong na‑publish ito.