Dashboard ng mga kita: Mas detalyadong impormasyon sa bottomline mo

Mas mahusay mong mapapatakbo ang negosyo mong pagho‑host kung nauunawaan mo ang mga kinikita mo. Kaya naman may idaragdag kaming mga bagong feature sa dashboard ng mga kita alinsunod sa feedback ng mga host.

• Mga interactive na chart para sa mas detalyadong impormasyon. Alamin ang buwanan at taunang kita mo, mag‑filter ayon sa listing, masinsinang suriin ang mga nakaraang taon, at alamin ang puwedeng asahan sa hinaharap.
• Nasa bagong kapaki‑pakinabang na hub na ang mga ulat ng mga kita. Awtomatikong makatanggap ng mga buwanan at taunang ulat at mag‑download ng PDF ng mga iyon. Nakadetalye ang mga ulat ayon sa listing at paraan ng pagbabayad.

Makakapunta sa dashboard ng mga kita mula sa tab na Menu. Piliin ang Mga kita para buksan ito.

Narito ang lahat ng masusuri mo sa pinagandang dashboard ng mga kita.

Nakasaad sa chart ng mga kita sa itaas ng dashboard:

• Kung magkano ang kinita mo kada buwan sa nakalipas na anim na buwan
• Kung magkano na ang kinita mo sa kasalukuyang buwan
• Kung magkano ang tinatayang kikitain mo kada buwan sa susunod na limang buwan batay sa mga nalalapit na booking

I‑tap ang dalawang arrow para palawakin at gamitin ang chart ng mga kita. Nakasaad sa bagong view na ito ang mga kita mo kada buwan o taon at kada listing. Gamitin ang filter para piliin kung aling listing o mga listing ang ilalahad.

Sa ibaba ng interactive na chart ng mga kita, isasaad ng stats ng performance ang:

• Bilang ng reserbasyon
• Kabuuang bilang ng gabing naka‑book
• Rate sa tagal ng pagpapatuloy
• Average na tagal ng pamamalagi

Kinakalkula ang stats na ito batay sa yugto ng panahon at mga listing na sinusuri mo. Awtomatikong naa‑update ang mga ito sa tuwing mag‑a‑apply ka ng filter o ire‑reload mo ang dashboard.

Para makuha ang mga detalye ng mga kinita mo mula Enero 1 ng kasalukuyang taon, i‑tap ang Alamin ang buod ng mga kita malapit sa chart. Nakasaad dito ang mga gross na kita mo, ang kabuuang halagang makukuha mo bago ang anumang kaltas. Nakalista ang bawat kaltas sa sarili nitong linya at sinusundan ito ng kabuuang net na bayad sa iyo.

Ganito ang lalabas:

• Mga gross na kita
• Mga adjustment
• Bayarin sa serbisyo para sa host
• Mga ikinaltas na buwis
• Kabuuang net na bayad

Itinatampok ng dashboard ang mga nalalapit at kamakailan mong transaksyon. Magbukas ng anumang transaksyon para alamin ang mga detalye nito kabilang ang:

• Detalye ng presyo
• Petsa kung kailan iyon binayaran o nakatakdang bayaran
• Opsyong mabayaran sa loob ng 30 minuto sa pamamagitan ng Mabilisang Payout (sa U.S. lang)
• Nauugnay na code ng reserbasyon
• Pangalan at litrato ng bisita

Buksan ang lahat ng nalalapit o nabayaran nang transaksyon para sa kumpletong detalye. Mula roon, magagawa mong:

• I‑filter ang mga transaksyon ayon sa petsa, listing, at paraan ng payout
• Hanapin ang eksaktong halaga ng bayad o code ng kumpirmasyon ng reserbasyon
• Gumawa ng mga CSV file ng mga iniangkop na ulat sa pamamagitan ng pagpili kung aling mga detalye ang gusto mong isama tulad ng paraan ng payout, petsa ng pag‑book, at code ng kumpirmasyon ng reserbasyon

Awtomatiko nang bumubuo ang Airbnb ng mga buwanan at taunang statement para sa iyo sa bagong hub ng mga ulat. Puwede kang kumuha ng mga ulat mula sa unang taon mo ng pagho‑host at magagawa mong i‑download at ipadala sa email ang mga iyon bilang mga PDF.

Itinatampok ng bawat ulat ang mga detalye ng mga kita para sa piniling buwan o taon, kabilang ang:

• Mga detalye ng mga gross na kita, adjustment, bayarin sa serbisyo para sa host, anumang ikinaltas na buwis, at kabuuang net na bayad
• Stats ng performance tulad ng mga gabing naka‑book at average na tagal ng pamamalagi
• Mga kita ayon sa listing at paraan ng pagbabayad
• Mga kita para sa kada buwan ng piniling taon (sa mga taunang ulat lang)

I‑tap ang icon na gear sa kanang bahagi sa itaas ng dashboard ng mga kita para masuri ang:

• Mga setting ng payout kung saan puwede mong suriin o dagdagan ang mga paraan ng pagbabayad at alituntunin sa distribusyon ng payout
• Impormasyon sa pagbubuwis kung saan puwede mong pangasiwaan ang mga detalye ng nagbabayad ng buwis at dokumento ng buwis
• Mga ulat ng mga kita na iba pang paraan para kunin ang mga statement sa bagong hub ng mga ulat

Sumali sa Maagang Access para masubukan na ang pinagandang dashboard ng mga kita.

Maaaring mag‑iba depende sa lokasyon ang karanasan ng user.

Posibleng nagbago ang impormasyong nakasaad sa artikulong ito mula noong na‑publish ito.