Maagap na makipag‑ugnayan

Kapag malinaw at maagap ka makipag‑ugnayan sa mga bisita, posibleng mapaganda ang karanasan nila sa pamamalagi at mahikayat silang magbigay ng positibong review. Sundin ang mga tip na ito bilang gabay sa diskarte mo.

Nakasalalay sa paraan ng pakikipag‑ugnayan mo sa mga bisita ang magiging relasyon ninyo sa panahon ng pamamalagi nila. Gawin ang lahat ng makakaya mo para:

• Maging available. I‑on ang mga notipikasyon para mabilis na makatugon sa matatanggap mong mensahe ng mga bisita. Ayon kay Annette na isang host sa San Francisco, kahit maliit lang ang isyu, hinihiling niya sa mga bisita na “makipag‑ugnayan kaagad sa amin at kami ang bahalang mag‑asikaso roon.”

• Maging tapat. Tumpak na ibahagi ang dapat asahan ng mga bisita. “Kailangang magtugma ang sinasabi mo sa mga bisita mo na madadatnan nila at ang madadatnan talaga nila pagdating nila,” sabi ni Daniel na isang host sa San Francisco.

• Maging madaling lapitan. Itanong mo sa mga bisita kung ano ang puwede mong gawin para maging komportable sila at maramdaman nilang mainit silang tinatanggap. “Palaging magkakaroon ng mga bagay na hindi natin mapapaghandaan bilang mga host,” sabi ni Sadie na isang Superhost sa Santa Fe, New Mexico.

• Maging mapagmalasakit. Puwedeng tumatak ang paraan mo ng pagtugon sa problema. “Puwedeng mag‑book pa rin ang bisita sa kabila ng hindi magandang sitwasyon kung maayos mong tutugunan ang problema, sa pamamagitan ng pagpaparamdam na may malasakit ka at mabilis na paglutas doon,” sabi ni Felicity, isang miyembro ng Host Advisory Board at Superhost sa New South Wales, Australia.

Paghandaan ang dapat malaman ng mga bisita para masigurong walang aberya at hindi na nila kailanganing magtanong, lalo na sa mga sandaling ito:

• Pagpapareserba o pagtatanong para sa pagbu‑book. Tumugon sa loob ng 24 na oras kapag nakipag‑ugnayan ang mga bisita.

• Pagkumpirma sa booking. Magpadala ng mensaheng “salamat sa pag‑book” para makipag‑ugnayan sa mga bisita at ipaalam sa kanilang handa kang sagutin ang anumang tanong nila.

• Pagdating. Paalalahanan ang mga bisita isa o dalawang araw bago ang takdang pagdating nila kung saan nila mahahanap sa app ang mga tagubilin sa pag‑check in, at magbahagi ng anumang mahalagang bagay tungkol sa pagpasok sa tuluyan. Kumustahin ang pamamalagi nila sa loob ng isang araw pagkatapos nilang mag‑check in.

• Pag‑alis. Magpadala ng maikling mensahe pagkatapos mag‑check out ng mga bisita para pasalamatan sila at hilingin sa kanilang magbigay ng review. Bigyan din sila ng review sa lalong madaling panahon.

Kapag maganda ang rate sa pagtugon mo, lalabas ang listing mo sa mas mataas na puwesto sa mga resulta ng paghahanap ng mga bisita sa Airbnb. Gamitin ang mga feature na ito para paghandaan at tugunan ang mga karaniwang tanong:

• Mga mabilisang tugon. Sa inbox mo, pumili sa listahan ng mga template, o sumulat at mag‑save ng sarili mong template. Gagabayan ka para makapagtakda ka ng mga shortcode na maglalagay ng mga detalye ng bisita, reserbasyon, at listing.
• Mga nakaiskedyul na mensahe. Awtomatikong matatanggap ng mga bisita ang mga ito sa mga partikular na sandali, at naglalaman ang mga ito ng kapaki‑pakinabang na impormasyon para sa kanilang pamamalagi. Puwede mo ring takdaan ng mga shortcode ang mga ito.

Posibleng nagbago ang impormasyong nakasaad sa artikulong ito mula noong na‑publish ito.