Impormasyon ng reserbasyon at mga setting sa pag-book para sa mga listing sa Luxe

Paghahanap sa impormasyon ng reserbasyon

Para malaman ang impormasyon tungkol sa mga nalalapit mong reserbasyon, kabilang ang mga petsa, profile ng bisita, at detalye ng presyo:

Sa mobile device at computer mo, puwede mong pangasiwaan ang mga kahilingan sa pagpapareserba (tanggapin o tanggihan), suriin ang mga detalye ng reserbasyon, at padalhan ng mensahe ang mga bisita.

Mga setting sa pag-book para sa mga listing mo

Hilinging i-book

Kapag may bisita o tagadisenyo ng biyahe (kinatawan ng bisita) na humiling na mag-book sa property mo, makakatanggap ka ng email mula sa express@airbnb.com na mag‑aabiso sa iyo.

Kung may tulong na pagpapareserba (ginawa sa tulong ng Tagadisenyo ng Biyahe) ang pag-book, may 72 oras ka para tanggapin o tanggihan ang kahilingan sa pagpapareserba bago iyon mag-expire.

Kung online na booking (ginawa mismo ng bisita) ang pag-book, may 24 na oras ka para tanggapin o tanggihan ang kahilingan sa pagpapareserba bago iyon mag-expire.

Kapag nakatanggap ka ng kahilingan, awtomatikong iba-block ang mga kaukulang petsa sa kalendaryo mo para hindi maipareserba ng iba pang bisita ang mga iyon hanggang tanggapin o tanggihan mo ang nakabinbing kahilingan.

Madaliang Pag-book

Sa pamamagitan nito, mas mabilis pang makakapag-book ang mga bisita at Tagadisenyo ng Biyahe dahil magagawa nilang ma-book ang patuluyan mo nang hindi kailangang magtanong tungkol sa availability. Dapat sumang-ayon ang mga bisita sa:

• Mga alituntunin sa tuluyan mo
• Patakaran sa pagkansela mo
• Pagsunod sa maximum na bilang ng bisitang puwedeng mamalagi sa property
• Pagsunod sa minimum na tagal ng pamamalagi

Sa page ng mga listing mo, may column na nagsasaad kung gumagamit ng Madaliang Pag-book o hindi ang mga listing. Para malaman kung paano i-activate o i-deactivate ang Madaliang Pag-book para sa mga property mo, sumangguni sa Paano gamitin ang Madaliang Pag-book.

Pagbago o pagkansela ng reserbasyon

Kinasasabikan ng mga bisita ng Airbnb ang kanilang mga biyahe at maaaring maging lubhang nakakagambala ang anumang pagbabago sa mga aktibong reserbasyon. Gayunpaman, kung kailangan mong baguhin ang isang reserbasyon, mahalagang palaging ipaalam ito sa mga bisita mo.

Bago magkansela ng reserbasyon, huwag kalimutang sumangguni sa aming Patakaran sa Pagkansela ng Host. Maaaring lubos na makaapekto sa biyahe ng bisita kung makakansela ang reserbasyon niya. Puwede ka ring patawan ng mga bayarin at iba pang penalty kung walang wastong dahilan ng pagkakansela ayon sa aming mga patakaran. Hindi dapat magkansela ang mga host batay sa anumang dahilang lumalabag sa aming mga patakaran, kabilang ang aming Patakaran Laban sa Diskriminasyon at Patakaran sa Accessibility.

Tandaang maaaring hindi mo magagawang magkansela ng mga aktibong biyahe o reserbasyon para sa mga pag‑check in na nakaiskedyul sa loob ng 24 na oras. Sa mga ganoong sitwasyon, kailangan mong makipag‑ugnayan sa amin.