Mga review ng mga host sa iyo

Magandang paraan ang mga review para mabigyan ka ng mga host ng feedback pagkatapos ng pamamalagi mo. Nakakatulong din ang mga review para maunawaan ng ibang miyembro ng komunidad ng mga host kung ano ang dapat asahan batay sa mga nakaraang review tungkol sa kalinisan, mga alituntunin sa tuluyan, at pakikipag‑ugnayan.

Narito ang detalye ng kung ano ang kasama kapag nakatanggap ka ng review, at kung ano ang maaaring mabasa ng host kapag humiling ka o nag-book ng pamamalagi sa hinaharap.

Mga rating mula sa host

Bilang bahagi ng opsyonal na proseso ng pagbibigay ng review, maaaring bigyan ka ng mga host ng 1 hanggang 5 star sa tatlong kategorya: kalinisan, mga alituntunin sa tuluyan, at pakikipag‑ugnayan. Katulad ng mga star rating para sa mga host, pagsasamahin ang mga rating sa kategoryang ito para maging average na rating para sa tuluyan.

Malalaman lang ng mga host ang mga detalyadong rating ng mga nakaraang pamamalagi mo, kabuuang rating ng bawat kategorya, at naka‑average na rating sa lahat ng pamamalagi kapag humiling o nag‑book ka ng pamamalagi sa tuluyan nila sa ibang pagkakataon. Isasaad ang mga kategoryang may mga positibong rating (4-5) nang may tsek at ang may negatibong rating (1-3) nang may icon ng babala.

Ginagamit ang mga rating sa iba't ibang paraan at nakakatulong ito sa:

• Pagpapasya ng mga kasalukuyan o potensyal na host kung tatanggap sila ng kahilingang mag‑book mula sa bisita;
• Pagtukoy ng Airbnb kung natutugunan ng bisita ang mga rekisito ng host sa Madaliang Pag‑book;
• Pagtukoy ng Airbnb kung kwalipikado ang bisita bilang bihasang bisita na kwalipikadong mag‑book ng mga partikular na listing; at
• Pagtukoy ng Airbnb kung sinusunod ng bisita ang aming mga pangunahing alituntunin para sa mga bisita. Puwedeng mabigyan ng babala, suspindihin, at/o tanggalin sa platform ang bisita kapag may mga paulit-ulit o matinding paglabag na iniulat sa pamamagitan ng mga rating o sa customer support.

Pampublikong review mula sa host

Bagama't opsyonal ang mga review, kapag pinili ng mga host na magsumite ng review, kailangang magbigay sila ng pampublikong review para sa iyo. Isasaad sa profile mo ang review ng host kaya mababasa ito ng sinumang magki‑click o magta‑tap sa profile mo.

Ang ginawa mo nang maayos

May opsyon ang mga host na itampok kung ano ang ginawa mo nang maayos (hal.: napanatiling malinis, maayos, at nasa mabuting kondisyon ang patuluyan, itinapon ang basura, nagpadala ng mga kapaki‑pakinabang na mensahe, naging magalang, palaging tumutugon, atbp.). Kung hihiling o magbu-book ka ng pamamalagi sa host, puwede niyang suriin kung ano ang itinampok ng iba pang host tungkol sa mga nakaraang pamamalagi mo. Isasaad ang positibong feedback sa tabi ng tsek.

Mga dapat tandaan para sa susunod

Kung magsusumite ang host ng mababang rating sa anumang kategorya, hihilingin namin sa kanya na ibahagi kung saan nagkaproblema sa pamamalagi mo. Gamit ang feedback na ito, magmumungkahi ang Airbnb ng mga paraan para maiwasan ang mga isyu sa susunod mong pamamalagi. Kung hihiling o magbu‑book ka ng pamamalagi sa host, puwede niyang suriin ang feedback na ito tungkol sa mga nakaraang pamamalagi mo. Isasaad ang negatibong feedback sa tabi ng icon ng babala.

Pribadong note mula sa host

Maaari kang makatanggap ng pribadong mensaheng may higit pang feedback mula sa host. Kung tutugon ka, tandaang ikaw lang ang makakabasa sa mensaheng ito.