Mga flexible na paraan ng paghahanap

Maghanap ng buwanang matutuluyan

Iniisip mo bang mamalagi nang mas matagal? Gumawa kami ng mas simple at mas naiaangkop na paraan ng paghahanap ng buwanang matutuluyan. Maraming kagandahan ang mga listing na tumatanggap ng buwanang pamamalagi (28 gabi o mas matagal pa), gaya ng mga amenidad na nakakatulong sa mga bisitang maging komportable at may diskuwentong presyo.

Ang proseso nito

Puwedeng piliin ng mga bisita ang tab na Buwan para ilagay ang petsa ng pagsisimula nila at madaling iangkop ang tagal ng pamamalagi nila gamit ang bagong dial.

Magsimula sa kasalukuyang araw, linggo, o buwan o pumili ng partikular na petsa sa kalendaryo, saka gamitin ang dial para piliin kung ilang buwan ang pamamalagi. Posible pang pumili ng petsa ng pagsisimula at pagtatapos na puwedeng mabago.

Isasaad sa mga resulta ng paghahanap para sa buwanang matutuluyan ang average na buwanang presyo. Itatampok naman sa mga page ng listing ang mga patok na amenidad para sa mas matatagal na pamamalagi bukod pa sa mga amenidad na tumutugma sa mga filter sa paghahanap. Sa mga review ng listing, karaniwang unang lalabas ang review ng mga bisitang namalagi nang 28 gabi o mas matagal pa.

Maghanap ayon sa kategorya

Nakahanda na ba ang mga gamit mo pero wala ka pang pupuntahan? Kung kailangan ng mga bisita ng inspirasyon, puwede nilang i‑browse ang Mga Kategorya sa Airbnb—mga koleksyong batay sa natatanging estilo, lokasyon, o lapit ng tuluyan sa isang aktibidad—para matulungan silang hanapin ang tuluyan (at estilo) na naaangkop sa kanila. Makakatuklas ang mga bisita ng mas maraming naiaangkop na paraan ng pagbiyahe sa pamamagitan ng pagba‑browse ng milyon‑milyong tuluyan na hindi nila alam na naroon.

Kung gusto ng mga bisitang mamalagi sa pinapangarap nilang bahay na may magandang arkitektura (gaya ng mga gawa ni Frank Lloyd Wright), puwede silang mag‑browse sa kategoryang Elegante na koleksyon ng mahigit 20,000 tuluyan na pinili dahil sa bukod‑tanging estruktura at interior ng mga iyon. Kung gustong mamalagi ng mga bisita sa piling ng kalikasan, puwede silang mag‑browse sa kategoryang Pambansang Parke para maghanap ng mga tuluyan na malapit sa mga lugar na gaya ng Zion National Park at Grand Canyon.

Ang proseso nito

Kung naghahanap ang bisita ng partikular na destinasyon, makakasama sa kanilang mga resulta ng paghahanap ang lahat ng listing. Bukod pa rito, mahahanap ang Mga Kategorya, kaya mas madali nang tumuklas ng mga kamangha-manghang tuluyan sa loob ng (o malapit lang sa) lugar ng kanilang paghahanap.

Kung hindi sila naghahanap ng partikular na destinasyon, maaaring lumitaw ang mapagpipilian sa Mga Kategorya depende sa mga panahon, lokasyon, at anumang nakaraang paghahanap ng bisita.

Maghanap sa pamamagitan ng Magkaugnay na pamamalagi

Gusto mo bang hatiin ang mas matatagal na pamamalagi sa pagitan ng dalawang magkaibang tuluyan?

Puwedeng subukan ng mga bisitang gamitin ang Magkaugnay na pamamalagi—isang feature na nagpapares ng dalawang magkasunod na pamamalagi sa saklaw na panahon ng kanilang mga petsa. Nagbibigay-daan ito sa kanilang tumuklas ng iba't ibang tuluyan, kapitbahayan, o pati na iba't ibang destinasyon, sa kanilang pagbibiyahe.

Halimbawa, kung nagba-browse sila sa kategoryang Surfing, maaaring mahanap nila sa Magkaugnay na pamamalagi ang isang pares ng tuluyan sa Santa Barbara at La Jolla at ang distansya sa pagitan ng parehong tuluyan sa mapa para malaman nila kung nasaan ang mga ito (at kung alin ang unang pamamalagi). Kapag napili na nila ang Magkaugnay na pamamalagi, gagabayan sila sa pamamagitan ng madaling gamiting interface para i-book ang bawat tuluyan—isang tuluyan sa bawat pagkakataon

Alamin pa kung paano mag-book ng Magkaugnay na pamamalagi.