Nilugmok ng coronavirus (COVID-19) ang industriya ng pagbibiyahe ngayong taon, na nakaapekto sa mga host sa iba't ibang panig ng mundo. Para suportahan ang ating komunidad, nag-ambag ang mga empleyado ng Airbnb ng $1 milyon mula sa sarili nilang mga bulsa para simulan ang pondo para sa mga host na nahihirapan sa mga gastusin sa araw-araw. Personal ding nag-ambag ng $9 na milyon ang mga founder ng Airbnb, bilang karagdagan sa hiwalay na $7 milyon mula sa mga investor, na nagresulta sa kabuuang halaga na $17 milyon.
“Bilang social worker, hindi sapat ang aking suweldo para bayaran ang mga bill at mapag-aral ang aking anak. Kamakailan lang, natukoy na may kanser at namayapa ang ama ng aking anak. Nakatulong ang mga kita sa Airbnb sa pagbabayad sa kanyang pagpapagamot at, ngayon naman, nakakatulong ito sa pag-aalaga sa kanyang ina. Nakakapagpagaan ng loob ang pagkakaroon ng mga bagong kakilala at mga kaibigan sa habampanahon sa pamamagitan ng Airbnb. Sa pagtanggap sa kaloob na ito, nabigyan ako ng pag-asa sa panahon ng matinding pagsubok na ito.”
“Malaki ang naging epekto ng COVID-19 sa kalagayan ng aming pananalapi. Dahil nawalan kami ng trabaho, wala kaming sapat na pera para suportahan ang aming mga sarili. Nagkaroon kami ng bagong silang na sanggol sa gitna ng krisis na ito. Nakatulong sa amin ang pagtanggap sa kaloob na ito na bayaran ang mga bill at suportahan ang aming sanggol.”
“Retirado na ako at walang trabaho ang aking asawa. Habang may COVID-19, sumailalim ako sa operasyon para sa kanser na dahilan para magkaroon ako ng malalaking hindi inaasahang gastusin. Sa pagho-host sa Airbnb, nagawa naming bayaran ang aming mortgage at mga gastusin, ngunit naapektuhan ngayon ng COVID-19 ang aming mga reserbasyon. Makakatulong sa amin ang pagtanggap sa kaloob na ito na malampasan ang panahon ng pagsubok na ito.”