Inayos na mga rating at review
Umaasa ang mga bisita sa mga rating at review para maunawaan ang kalidad ng tuluyan bago sila mag‑book. Pero ayon sa mga bisita, masyadong mahirap makahanap ng review na kapaki‑pakinabang sa kanila.
Kaya naman pinaganda namin ang page ng mga rating at nagdagdag kami ng tatlong bagong feature na magagamit para mas madaling mabasa at higit na mapakinabangan ang mga review.
Distribusyon ng mga rating
Sa seksyong mga review sa page ng listing mo, may bagong chart na nagsasaad sa distribusyon ng mga review, mula sa may isang star hanggang sa may limang star. Sa pamamagitan nito, mabilis na malalaman ng mga bisita ang bilang ng mga positibo at negatibong review mula noong unang beses kang tumanggap ng mga bisita sa patuluyan mo.
Pag‑aayos ng mga review
Puwede nang ayusin ng mga bisita ang mga review na natanggap mo ayon sa may pinakamataas na rating o pinakabago kaya madali na nilang mahahanap ang mga review na pinakamakabuluhan para sa kanila. Sa pamamagitan nito, magagawa nilang basahin sa iisang lugar ang lahat ng natanggap mong five-star na review o i‑browse ang mga review simula sa pinakabago.
Mga detalye ng pamamalagi at nagbigay ng review
Isasaad na ang star rating sa tabi ng bawat review para mas malinaw na maiparating ang konteksto ng feedback ng mga bisita. Kung magbigay ang bisita ng rating na apat na star sa patuluyan mo pero ubod nang ganda ang review niya, maiintindihan nang mas mabuti ng mga potensyal na bisita ang kabuuang rating mo.
Magsasama na rin sa mga review ng higit pang impormasyon tungkol sa nagbigay ng review at sa pamamalagi niya, kabilang kung tagasaan siya, gaano katagal siya namalagi, at kung may kasama siyang pamilya, mga alaga, o grupo. Makakatulong ito para mahanap ng mga potensyal na bisita ang mga review na may mga detalyeng naaayon sa sarili nilang pamamalagi.
Halimbawa, kung namalagi ang bisita nang may kasamang mga bata, lalabas ang tag na Namalagi nang may kasamang mga bata sa itaas ng review niya. Kung namalagi ang bisita nang pitong gabi, isasaad ang Namalagi nang isang linggo sa itaas ng review niya.*
Bahagi ng Airbnb 2023 Release sa Nobyembre ang pinagandang mga rating at review, bagong tab na Mga listing, at higit pang upgrade para sa mga host.