Pag‑unawa sa Madaliang Pag‑book
Sa pamamagitan ng Madaliang Pag‑book, mabu‑book kaagad ng mga bisita ang patuluyan mo para sa mga available na petsa. Hindi mo kailangang suriin at tanggapin ang bawat kahilingan sa pagpapareserba kaya makakatipid ka ng oras. Maraming bisita rin ang natutuwa na madaling gamitin ang Madaliang Pag‑book.
Ang proseso ng Madaliang Pag‑book
Puwede mong i‑on o i‑off anumang oras ang Madaliang Pag‑book. I‑update ang mga setting sa pag‑book sa tab na Mga Listing.
Kapag gumagamit ng Madaliang Pag‑book, sasailalim ang lahat ng nagbu‑book na bisita sa proseso ng pagpapatunay ng pagkakakilanlan ng Airbnb, dapat nilang tanggapin ang iyong mga alituntunin sa tuluyan, at kailangan nilang matugunan ang itinakda mong mga kinakailangan para sa bisita.
Puwede mong itakdang maging available lang ang Madaliang Pag‑book sa mga bisitang may magandang katayuan. Ibig sabihin, nakatapos na sila ng kahit isang pamamalagi man lang at wala silang natanggap na hindi magandang review.
Kung nanghihingi ka ng pampamahalaang ID sa personal na pag‑check in, o kung kinakailangan iyon sa lokasyon ng property mo, puwede kang magpadala ng mensahe sa mga bisita sa tab na Mga Mensahe para hilingin ito.
Kailangan mong siguraduhing napapanahon ang kalendaryo mo kapag gumagamit ka ng Madaliang Pag‑book. Pag‑isipang i‑sync sa iba pang kalendaryong ginagamit mo ang kalendaryo mo sa Airbnb. Sa ganitong paraan, maiiwasan mong makatanggap ng mga hindi inaasahang booking o magkansela ng reserbasyon dahil sa problema sa iskedyul na puwedeng singilin ng mga bayarin sa pagkansela at patawan ng iba pang penalty.
Puwede kang magkansela ng booking nang walang penalty kapag may wastong dahilan, halimbawa, kapag nilinaw ng bisita na malamang na suwayin niya ang isa sa iyong mga alituntunin sa tuluyan. Tandaang hindi ka puwedeng magkansela kapag lumalabag sa patakaran laban sa diskriminasyon ng Airbnb ang dahilan mo.
Bakit posible ka pa ring makatanggap ng mga kahilingan sa pagpapareserba
May ilang sitwasyon kung saan maaari kang makatanggap ng mga kahilingan sa pagpapareserba kahit gumagamit ka ng Madaliang Pag‑book:
- Hindi napapanahon ang kalendaryo mo.
- Nagkansela ka kamakailan ng reserbasyon.
- Maaaring magpadala ng kahilingan sa pagpapareserba ang bisitang hindi nakakatugon sa mga kinakailangang itinakda mo.
Kailangan mong tanggapin o tanggihan ang pagpapareserba o magpadala ng mensahe sa mga potensyal na bisita sa loob ng 24 na oras.
Piliin ang setting sa pag‑book na naaangkop sa iyo
Kontrolado mo kung kailan at paano mabu‑book ng mga bisita ang patuluyan mo. Napapabilis at napapadali man ng Madaliang Pag‑book ang proseso, maaaring mas naaangkop para sa ilang host na makatanggap ng mga kahilingan sa pagpapareserba.
Pumili ng paraang makakatulong sa iyo na maiwasang magkansela ng reserbasyon dahil sa mga bagay na maaagapan naman.