Paano ihanda ang iyong tuluyan—at ang mga bisita—para sa mga wildfire

Nakakaapekto sa buhay ng mga host at bisita sa iba't ibang panig ng mundo ang mga wildfire season na mas malubha kaysa dati. Lalong mas mahalaga kaysa dati na magkaroon ng mga plano sakaling magkaroon ng wildfire para maprotektahan ang iyong sarili, ang iyong mga bisita, at ang iyong property.

Sa Airbnb, sineseryoso namin ang iyong kaligtasan at ang kaligtasan ng iyong mga bisita. Bilang bahagi ng aming inilunsad kamakailan na Trust and Safety Advisory Coalition, nakikipagtulungan kami sa International Association of Fire Chiefs (IAFC) para magbahagi ng mga sanggunian tungkol sa kaligtasang kaugnay ng wildfire. Sa pamamagitan nito, matutulungan kang panatilihing ligtas ang iyong property at makapagbigay ng mahalagang impormasyon sa mga bisita na maaaring makatulong sakaling magkaroon ng emergency.

Puwede ka palaging magplano nang maaga sakaling magkaroon ng wildfire sa iyong komunidad. Mahusay na sanggunian ang programang Ready, Set, Go! ng IAFC para sa mga tip tungkol sa kaligtasang kaugnay ng wildfire. Kahit na nakabase sa U.S. ang programa, puwedeng magamit ng sinuman sa buong mundo ang mga tip na ito.

Narito ang ilan sa mga suhestyon ng IAFC:

• Alisin ang mga tumutubong halaman sa loob ng 30 talampakan (siyam na metro) ng iyong bahay, garahe, at iba pang gusali sa iyong property para makatulong na lumikha ng madedepensahang espasyo.
• Gumamit ng matitigas na materyales—tulad ng kongkreto, bato, o batong daanan—limang talampakan (isa't kalahating metro) sa paligid ng paanan ng iyong bahay.
• Gumamit ng mga halamang hindi madaling nasusunog, hindi gaanong lumalaki, at walang kahoy na tangkay kapag nagtatanim sa mga lugar na malapit sa iyong bahay.
• Alisin ang mabababang sanga para lumikha ng hindi bababa sa anim na talampakan (o dalawang metro) na distansya sa pagitan ng mga damo, palumpong, at mas matataas na puno.

Para manatiling may kaalaman habang nagho-host, mag-sign up para sa mga alertong pang-emergency sa lugar kung saan matatagpuan ang iyong property. Available ang karamihan sa website ng iyong bayan, lungsod, o estado. Sa ganitong paraan, makakakuha ka ng impormasyon tungkol sa kung ano ang nangyayari kahit na wala ka sa malapit habang may mga bisita ka.

Maaaring bumibiyahe ang ilang bisita mula sa mga lugar na hindi naaapektuhan ng mga wildfire, at maaaring hindi nila nauunawaan ang mga panganib. Kahit papaano pa, puwede mong matulungan ang mga bisita na manatiling handa.

Subukan ang mga tip na ito mula sa Ready, Set, Go!:

• Magdagdag ng basic na impormasyon sa iyong mga alituntunin sa tuluyan tungkol sa mga posibilidad ng mga wildfire sa iyong lugar. Sa pamamagitan nito, malalaman ng mga bisita bago pa man sila mag-book na maaaring magkaroon ng mga wildfire.
• Maglagay ng listahan ng mga lokal na makokontak para sa emergency sa lugar na madaling mapansin, tulad ng sa refrigerator o coffee table.
• Ibigay ang karaniwang pangalan ng kapitbahayan o lugar (halimbawa, ang komunidad ng Mulwood sa Calabasas, California). Puwede mo itong idagdag sa iyong mga alituntunin sa tuluyan at isama sa iyong listahan ng impormasyon para sa emergency.
• Bigyan ang iyong mga bisita ng mapa ng lugar na malinaw na nagsasad ng address ng iyong property, mga kalapit na pangalan ng kalsada, maraming ruta sa paglikas, at mga potensyal na lokasyong ligtas para sa paglayo ng mga bisita mula sa panganib.
• Kahit na hindi malapit sa iyong property ang wildfire, hikayatin ang mga bisita na mag-sign up para sa mga lokal na alertong pang-emergency at manatiling updated sa pagkakaroon ng sunog sa lugar.
• Sabihin sa iyong mga bisita na hindi nila kailangang hintayin ang utos ng paglisan para makaalis, lalo na dahil maaaring kailanganin nila ng dagdag na oras para mag-navigate kung hindi sila pamilyar sa lugar.

Para sa higit pang sanggunian tungkol sa paghahanda para sa mga wildfire, puwede kang makipag-ugnayan sa iyong lokal na departamento ng bombero. Kung nasa U.S. ka, puwede mo ring alamin ang tungkol sa Ready, Set, Go! para maunawaan ang higit pa tungkol sa mga wildfire at makalikha ng plano kung ano ang mga puwedeng gawin.