Tulungang mapansin ang listing mo

Gawing kapansin‑pansin ang listing mo sa mga resulta ng paghahanap ng mga bisita sa pamamagitan ng paglalagay ng magagandang litrato at mga patok na amenidad. Nakakatulong ang mga detalyeng ito sa mga bisita na makapagpasya kung natutugunan ng patuluyan mo ang mga pangangailangan nila.

Kabilang sa pinakamahahalagang bahagi ng listing mo ang mga litrato. Ganito mo magagamit ang mga iyon para makuha ang pansin ng mga bisita at makahikayat pa ng mga nagbu‑book.

• Itampok ang patuluyan mo sa pinakamagandang kalagayan nito. Alamin kung anong oras pinapasukan ng pinakamaraming natural na liwanag ang mga kuwarto, iangat ang mga tabing sa bintana, at ligpitin ang mga kalat.
• Timplahin ang komposisyon. Kumuha ng mga litratong malawak ang anggulo at malapitan nang nakasentro sa frame ang paksa. Kunan ang mga iyon nang pantay sa taas ng mata at hindi mula itaas o mula ibaba ang anggulo.
• Maghanda ng photo tour. Kunan ng mga litrato ang bawat parte ng tuluyan na puwedeng gamitin ng mga bisita. Sa photo tour ng Airbnb na hatid ng AI, agarang isasaayos ang mga litrato mo ayon sa kuwarto para mabigyan ng ideya ang mga bisita tungkol sa layout.

Makakuha pa ng mga tip kung paano kumuha ng magagandang litrato ng listing at alamin kung paano makipagtulungan sa propesyonal na photographer sa pamamagitan ng aming programang propesyonal na photography.

Kapag nag‑set up ka ng listing, papapiliin ka sa maikling listahan ng mga patok na amenidad. Kapag na‑publish mo na ang listing mo, siguraduhing idagdag ang iba mo pang amenidad mula sa kumpletong listahang may halos 150 item.

Maraming bisita ang gumagamit ng mga filter para maghanap ng mga matutuluyang mayroon ng mga amenidad at feature na gusto nila. Sa pamamagitan ng pagkumpleto sa listahan ng mga amenidad mo, mamumukod‑tangi ang listing mo sa mga resulta ng paghahanap at maitatakda ang mga dapat asahan ng mga bisita.

Kasama sa mga pinakapatok na amenidad na palaging hinahanap ng mga bisita sa Airbnb ang:

• Wifi
• Pool
• Jacuzzi
• Kusina
• TV o cable
• Air conditioning
• Washer at dryer
• Libreng paradahan
• Sariling pag‑check in

Gamitin ang pamagat at paglalarawan para iparating kung bakit espesyal ang patuluyan mo.

• Iklian lang ang pamagat. Halimbawa, binubuo ang “Modernong loft tanaw ang downtown” ng limang simpleng naglalarawang salita lang. Gumamit lang ng malaking titik sa unang titik ng unang salita sa pamagat at mga pangngalang pantangi. Iwasang gumamit ng emoji o simbolo at puro malalaking titik.
• Pagtuunan ang mga espesyal na feature. Puwede mong bigyang‑diin sa pamagat ang lokasyon o pinakamagandang amenidad ng patuluyan mo, gaya ng “Komportableng cabin na may kusina ng chef.”
• Tiyaking parang nakikipag‑usap ka lang. Ipaliwanag sa paglalarawan kung ano ang pakiramdam ng pamamalagi sa patuluyan mo, nang parang nagkukuwento ka sa kaibigan mo. Ibahagi ang mga pinakagusto mong detalye.

Nagtakda ang Airbnb ng mga pangunahing alituntuning dapat sundin ng lahat ng bisita. Malinaw at maikli lang ang mga iyon: Dapat igalang ng mga bisita ang patuluyan mo gaya ng ginagawa nila sa sarili nilang tahanan, at kailangan nilang tanggapin ang itinakda mong mga karaniwang alituntunin sa tuluyan kapag nag‑book sila.

Sa pamamagitan ng iyong mga alituntunin sa tuluyan, maipapaunawa sa mga bisita kung ano ang pinapayagan mo sa patuluyan mo. Naaayon dapat ang mga alituntuning ito sa mga tuntunin ng serbisyo at patakaran laban sa diskriminasyon ng Airbnb.

Pumili sa listahan ng mga karaniwang alituntunin sa tuluyan na inihanda ng Airbnb para sa mga aspetong ito:

• Mga alagang hayop
• Mga event
• Paninigarilyo, pagve‑vape, at paggamit ng e‑cigarette
• Mga oras na tahimik dapat
• Mga oras ng pag‑check in at pag‑check out
• Maximum na bilang ng bisita
• Commercial photography at filming

Puwede kang sumulat ng mga karagdagang alituntunin sa mga setting ng listing mo kung may mga espesyal na tagubilin ka na hindi kasama sa mga karaniwang alituntunin sa tuluyan.

Posibleng nagbago ang impormasyong nakasaad sa artikulong ito mula noong na‑publish ito.