Magbigay ng 5‑star na pamamalagi

Nakasalalay ang 5‑star na pamamalagi sa paghahandang pinag‑isipan nang mabuti. Gamitin ang gabay na ito na binubuo ng limang hakbang para magsimula.

Gawing kaaya‑aya ang listing mo habang nananatiling tapat tungkol sa iniaalok mo.

• Sabihin ang totoo tungkol sa madadatnan ng mga bisita. Magbigay ng mga detalye tungkol sa kapitbahayan at mga amenidad mo para matulungan ang mga bisita na magpasya kung naaangkop sa kanila ang patuluyan mo.

• I‑update ang listing mo kasabay ng mga pagbabago sa patuluyan mo. Kabilang dito ang pagdaragdag ng mga bagong amenidad at pagsisigurong napapanahon ang mga litrato. May mga host pang nag‑a‑update ng mga litrato para umayon sa panahon.

“Magsama ng mga paglalarawan ng mga kakaibang katangian ng property mo sa paraang tapat at malinaw,” sabi ni Nikki na isang Superhost sa San Francisco. “Mainam na pag‑isipan ito mula sa pananaw ng bisita. Mainam na maging malinaw para matulungan ang mga bisita na makapili ng gusto nilang property.”

Inaasahan ng mga bisita na walang aberya sa pagdating at pag‑alis nila.

• Gumawa ng malilinaw na tagubilin sa pag‑check in. Ipaliwanag ang bawat hakbang sa proseso, at ilagay ang anumang detalyeng baka makatulong, gaya ng mga litrato o mapang may mga arrow.

• Pasimplehin ang mga gawain sa pag‑check out. Kailangang hindi masyado o hindi talaga nakakapagod sundin ang mga tagubilin mo. Ipaalam sa mga bisita kung paano i‑lock ang pinto paglabas nila.

“Sinisiguro naming simple hangga't maaari ang aming proseso ng pag‑check out,” sabi ni Keshav, isang miyembro ng Host Advisory Board at Superhost sa New Delhi. “Darating ang tagalinis at gagawin niya ang lahat ng kailangang gawin para wala nang alalahanin ang mga bisita.”

Isipin kung ano ang mararamdaman ng mga bisita pagkapasok nila sa patuluyan mo at kung ano ang maaalala nila pagkaalis nila.

• Magdisenyo ng komportableng tuluyan. Maglagay ng mga komportableng gamit, gaya ng mga unan at throw blanket. Magtalaga ng paglalagyan ng mga gamit ng mga bisita.

• Ipakilala ang komunidad ninyo. Pag‑isipang maglagay ng lokal na obra ng sining bilang dekorasyon o mag‑iwan ng pagkaing produkto ng rehiyon. Ibahagi sa guidebook ang mga paborito mong puntahan.

• Siguraduhing malalapitan ka. Ipaalam sa mga bisita na puwede silang makipag‑ugnayan sa iyo anumang oras. Ayusin ang mga setting ng notipikasyon mo para maalertuhan ka kapag nagpadala ng mensahe ang mga bisita.

“Pinakamahalaga sa lahat na maramdaman ng mga bisita na parang sarili nilang tahanan ang patuluyan,” sabi ni Catherine na isang Superhost sa Columbus, Ohio. “Maglaan ng oras para alisin ang anumang bagay na maaaring makapagparamdam sa mga bisita na nasa bahay sila ng iba.”

Pag‑isipan nang mabuti kung paano tutugunan ang iba't ibang isyung posibleng mangyari sa panahon ng pamamalagi ng bisita.

• Maglaan ng mga kagamitang pang‑emergency. Maglagay sa patuluyan mo ng fire extinguisher, first‑aid kit, at flashlight. Magbahagi ng mga pang‑emergency na numero ng telepono sakaling mangailangan ng tulong ang mga bisita.

• Alamin kung paano ka pinoprotektahan. Nagbibigay ang AirCover para sa mga Host ng kumpletong proteksyon na palaging kasama at palaging libre.

• Bumuo ng team ng suporta. Kumuha ng regular na tagapagmentena. Magdagdag ng co‑host para masigurong palaging may handang tumugon sa mga bisita.

Sa tulong ng mga rating at review, mapapabuti mo pa ang iniaalok mo, at mapapatibay ang tiwala ng mga bisita.

• Bigyan ng review ang mga bisita. Pagkakataon mo itong magpasalamat, magbahagi ng feedback, at ipaalala sa mga bisita na bigyan ka ng review. May 14 na araw pagkatapos mag‑check out ang mga host at bisita para magbigay ng review sa isa't isa.
• Bigyang‑pansin ang mga star rating. Puwedeng bigyan ng rating ng mga bisita ang pamamalagi nila sa kabuuan, at maaari ka rin nilang bigyan ng mga star para sa kalinisan, katumpakan, pag‑check in, pakikipag‑ugnayan, lokasyon, at pagiging sulit.
• Tumugon sa mga review. Gamitin ang pagkakataong ito para iparating na handa kang tugunan ang mga pagkukulang mo. Kung tutugon ka sa pampublikong review ng bisita, lalabas ang tugon mo sa ibaba mismo niyon.

“Mahalagang isapuso ang mga review,” sabi ni Sadie na isang Superhost sa Santa Fe, New Mexico. “Mga bisita ang tunay na gabay mo para makakuha ka ng limang star.”

Kung wala pang nagbu‑book sa iyo, puwede kang makatanggap ng iniangkop na patnubay ng Superhost. Sila ang mga pinakabihasang host sa Airbnb na may pinakamatataas na rating.

Posibleng nagbago ang impormasyong nakasaad sa artikulong ito mula noong na‑publish ito.