Paglaban sa poot, panliligalig, at diskriminasyon

Gusto naming walang maranasang panliligalig at diskriminasyon ang aming mga host at bisita sa mga pamamalagi at Karanasan.

Ang hindi namin pinapahintulutan

• Pang-aapi at panliligalig: Walang sinuman ang dapat makaranas ng hindi kanais-nais na pakikitungo, gaya ng pang-aapi, cyberbullying, panliligalig, o stalking.
• Hindi pagkakaloob ng serbisyo dahil sa pandidiskrimina: Hindi maaaring hindi magkaloob ng serbisyo ang mga host sa bisita dahil lang kabilang ang bisita sa isang grupo o kategorya, tulad ng lahi o relihiyon, gaya ng nakasaad sa aming Patakaran sa Kawalan ng Diskriminasyon.
• Pakikitungo sa ibang paraan dahil sa pandidiskrimina: Hindi dapat ibahin ng mga host ang kanilang pakikitungo, mga ipinapatupad na alituntunin, o inaasal sa bisita dahil lang bahagi ang bisita ng pinoprotektahang uri.
• Mapanganib na pananalita: Walang dapat makatanggap ng pananalitang nananawagan ng pananakit o pagmamalupit, o nagpapahayag na banta o pisikal na mapanganib sa iba ang isang indibidwal dahil lang kabilang ang indibidwal na iyon sa pinoprotektahang uri.
• Pangungutya, mapoot na pananalita, o mga bastos na salita: Walang sinuman ang dapat makatanggap ng masasamang salita na may kaugnayan sa pagiging kabilang ng ibang indibidwal sa pinoprotektahang uri, gaya ng mga pagpapahayag ng panghahamak, pandidiri, o mga kakulangan sa pangangatawan, pag-iisip, o moralidad.
• Paggamit ng deadname o hindi kinikilalang kasarian: Hindi dapat tawagin o tukuyin ang mga indibidwal na kinikilala ang kanilang sarili bilang transgender gamit ang pangalan o panghalip nila bago ang kanilang transition kung sinasabi nila na iba na ang gamit nila pagkatapos ng transition.
• Hindi direktang pananalita o diskriminasyon: Walang sinuman ang dapat makatanggap ng mga pahayag na malalim na nakaugat sa mga stereotype ng lipunan dahil lang bahagi sila ng pinoprotektahang uri.
• Mga mapoot, nandidiskrimina, o nakakasakit na larawan, simbolo, o bagay: Walang sinuman ang dapat maharap sa mga larawang nanghahamak ng relihiyon o kultura, mga larawang may mga bastos/hindi direktang salita, o mga simbolo, logo, o slogan na nauugnay sa mga ekstremista o mapoot na grupo.

Handa kaming tumulong

Kung may masaksihan o maranasang kang asal na labag sa aming mga patakaran, ipaalam ito sa amin.