Mga Superhost Ambassador

Ang mga Superhost Ambassador ay mga Superhost na tumutulong sa mga taong mula sa iba't ibang panig ng mundo na matuklasan ang kagandahan ng pagho‑host. Nakakakuha sila ng mga reward sa pagpapakilala ng mga bagong host sa Airbnb. Nagbibigay rin sila ng iniangkop na patnubay at mga tool para matulungang magtagumpay ang mga bagong host.

Sumangguni sa Mga Tuntunin at Kondisyon ng Programang Superhost Ambassador para sa higit pang impormasyon.

Pagiging Superhost Ambassador

Kung Superhost ka at gusto mong ibahagi sa mga bagong host ang karanasan mo, puwede kang maging Superhost Ambassador sa pamamagitan ng programang Superhost Ambassador.

Kasama sa mga kagandahan ng pagiging Superhost Ambassador ang:

• Pakikipag‑ugnayan sa mga bagong host at pagpapayo sa kanila habang inihahanda nila ang una nilang listing sa Airbnb
• Reward para sa bawat kwalipikadong bagong listing na tutulungan mong ma‑publish sa Airbnb
• Access sa mga eksklusibong feature, sanggunian, at insight

Para makapag‑apply sa programa, Superhost ka dapat sa kasalukuyan at kailangang may magandang katayuan ang account mo. Para mag‑apply na maging Superhost Ambassador, pumunta sa webpage ng programang Superhost Ambassador.

Pananatiling Superhost Ambassador

Kada 3 buwan, tinitiyak naming patuloy mong natutugunan ang mga sumusunod na pamantayan:

• Superhost ka pa rin
• May maganda pa ring katayuan ang account mo

Maaaring bigyan ng palugit para muling maging Superhost ang mga Superhost Ambassador na hindi nakakatugon sa mga pamantayan kada tatlong buwan. May karapatan ang Airbnb na ihinto ang pakikibahagi sa programa o hilingin sa mga host na hindi na Superhost na muling mag‑apply sa programa sa ibang pagkakataon.

Bilang Superhost Ambassador

May dalawang paraan para makipag‑ugnayan sa mga bagong host:

• Pagre‑refer sa kanila sa Airbnb at pagtulong na sagutin ang kanilang mga tanong habang nagse‑set up sila ng listing
• Pakikipag‑ugnayan sa kanila nang direkta sa pamamagitan ng programang Superhost Ambassador.

Pagre‑refer ng mga bagong host sa Airbnb

Para mag‑refer ng mga potensyal na host, pumunta sa iyong dashboard ng Ambassador, kopyahin ang natatanging referral link mo, at ibahagi iyon sa gusto mong paraan ng pakikipag‑ugnayan: mensahe, email, social media, at marami pang iba. Dadalhin sa iniangkop na page na may pangalan at litrato sa profile mo ang mga potensyal na host na gagamit ng referral link mo. Doon, makakagawa sila ng bagong listing.

Tandaang makakatanggap ka lang ng reward kung gagamitin ng bagong host na ni‑refer mo ang natatangi mong link ng imbitasyon at gagawa siya ng listing sa sesyon ding iyon. Puwede kang mag‑refer ng kahit na sinong hindi pa nakakapag‑host sa Airbnb, kahit na mayroon na siyang account sa Airbnb.

Kung nakatanggap na dati ng imbitasyong referral mula sa iba ang bagong host o naitugma na siya dati sa isang Superhost Ambassador, hindi ka makakatanggap ng reward.

Pagkalkula ng mga reward

Kikita ka para sa mga host na ire‑refer mo sa Airbnb batay sa mga tuntunin ng programang Host Referral. Para alamin ang maaasahan mong cash reward, pumunta sa Dashboard ng Ambassador. Pana‑panahong muling kinakalkula ang mga cash reward. May karapatan ang Airbnb na baguhin kung paano tutukuyin ang mga cash reward, pati na ang iba pang tuntunin ng programang ito gaya ng nakasaad sa mga tuntunin ng Host Referral.

Kailan ka mababayaran

Babayaran ka kapag natapos ng bagong host na ni‑refer mo ang unang kwalipikadong reserbasyon niya ayon sa mga tuntunin ng programang Host Referral. Para maging kwalipikado ang reserbasyon, nagkakahalaga dapat iyon sa kabuuan ng kahit man lang USD100 o katumbas sa lokal na currency (bago dagdagan ng mga buwis at bayarin) at dapat matapos iyon sa loob ng 90 araw mula nang i‑click ng bagong host ang iyong referral link.

Tandaan: Hindi kailangang mahigit USD100 ang presyo kada gabi ng bagong listing, pero kailangang hindi bababa sa USD100 ang kabuuang halaga ng reserbasyon (kasama ang lahat ng gabi).

Lehitimong booking dapat ang mga kwalipikadong reserbasyon. Labag sa mga tuntunin ng programa ang anumang uri ng mapanlinlang na reserbasyon, pagkakasundong maghatian sa reward, o iba pang plano para makakuha ng kickback. Kailangan ding hindi pa nakapag‑host sa platform ang host. Ibig sabihin, hindi pa siya nagkaroon ng aktibong listing. Tandaang hindi kwalipikado ang sinumang nakatanggap na dati ng imbitasyong referral mula sa ibang host o gumagamit ng software na konektado sa API. Hindi rin kwalipikado ang mga taong nakatira sa ilang partikular na rehiyon.

Karaniwang iniisyu ang mga payout humigit‑kumulang 14 na araw pagkatapos mag‑check out ng bisita sa kwalipikadong reserbasyon (pero maaaring magtagal ito depende sa mga rekisito sa beripikasyon o mga sitwasyong hindi namin kontrolado). Halimbawa, kung Enero 10 ang petsa ng pag‑check out sa kwalipikadong reserbasyon, karaniwang ipapadala ang payout bandang Enero 24.

Pakikipag‑ugnayan sa mga bagong host bilang Superhost Ambassador

Kung maaprubahan kang maging Superhost Ambassador, maaari kang makipag‑ugnayan sa mga bagong host sa pamamagitan ng programang Superhost Ambassador. Gamit ang karanasan mo, magagabayan mo sila sa proseso ng pag‑set up ng listing nila. Makakapagbigay ka ng payo tungkol sa mga bagay gaya ng paglilinis at pagkuha ng mga naaangkop na litrato. Makakapagbahagi ka ng mga karanasan at insight. Makakakuha ka rin ng mga reward sa pagsasagawa ng mga ito.

Bilang bahagi ng programa, may magagamit kang dashboard kung saan mo masusubaybayan ang mga bagong host na ginagabayan mo at ang kanilang progreso. Nagtipon ang Airbnb ng mga tip, suhestyon, at workshop para masuportahan ang pakikipag‑ugnayan mo sa mga potensyal na host. Magagamit mo ang mga iyon kung gusto mo. Gagawin naming available ang mga sanggunian para matulungan kang masagot ang mga posibleng itanong.

Pagkakatugma sa bagong host sa pamamagitan ng programa

Target naming maitugma ka sa mga bagong host na puwedeng makinabang sa mga partikular na karanasan mo. Gumagamit kami ng sistema ng pagtutugma na batay sa maraming salik, kabilang ang:

• Lokasyon: Itutugma ng sistema ang mga bagong host sa isang Superhost Ambassador na nakatira o nagho‑host sa kanilang bansa.
• Time zone: Priyoridad ang pagtutugma ayon sa time zone para maging mas madali ang pag‑uusap.
• Uri ng listing: Ibinabatay ito sa uri ng (mga) listing mo, buong property, pribadong kuwarto, o pinaghahatiang tuluyan man iyon.
• Wika: Ibinabatay ito sa (mga) wikang ginagamit mo. Puwede itong i‑update sa mga setting ng profile mo sa Airbnb.

Tandaan: Pana‑panahon naming muling sinusuri ang aming sistema ng pagtutugma at maaaring magbago ang mga salik na ito. Isinasaalang‑alang ang pagkakapareho ng ginagamit na wika sa mga pagtutugma sa magkakaibang bansa.

Stats ng Superhost Ambassador

Bilang Superhost Ambassador, malalaman mo ang impormasyon tungkol sa mga pakikipag‑ugnayan mo sa mga potensyal na host. Kasama sa impormasyong ito ang mga bagay na tulad ng rate sa pagtugon o porsyento ng mga ginagabayang potensyal na host na nakatanggap ng unang reserbasyon. Pana‑panahong magdaragdag ng bagong stats para masuri mo ang iyong mga pakikipag‑ugnayan sa mga potensyal na host.

Pagkalkula ng mga reward

Batay sa bansa kung saan ka nakatira ang halagang kikitain mo sa paggabay sa mga bagong host. Para alamin ang maaasahan mong cash reward, pumunta sa iyong Dashboard ng Ambassador. Pana‑panahong muling kinakalkula ang mga cash reward. May karapatan ang Airbnb na baguhin kung paano tutukuyin ang mga cash reward.

Kailan ka mababayaran

Babayaran ka kapag natapos ng bagong host na naitugma sa iyo ang unang kwalipikadong reserbasyon niya ayon sa Mga Tuntunin ng Superhost Ambassador. Para maging kwalipikado, nagkakahalaga dapat ang reserbasyon ng kahit man lang USD50 sa kabuuan o ng lokal na katumbas nito (bago ang mga buwis at bayarin). Dapat din itong matapos nang hindi lalampas sa 365 araw pagkatapos mong maitugma sa bagong host.

Tandaan: Hindi kailangang mahigit USD50 ang presyo kada gabi ng bagong listing, pero kailangang hindi bababa sa USD50 ang kabuuang halaga ng reserbasyon (kasama ang lahat ng gabi).

Lehitimong booking dapat ang mga kwalipikadong reserbasyon. Labag sa mga tuntunin ng programa ang mga pekeng reserbasyon, reserbasyon ng mga kapamilya o kaibigan, pagkakasundong maghatian sa mga reward sa referral, o iba pang plano para makakuha ng kickback. Kailangan ding hindi pa nakapag-host sa platform ang host. Ibig sabihin, wala pa siyang natapos na reserbasyon sa Airbnb sa anumang listing niya.

Karaniwang dumarating ang mga payout sa loob ng 14 na araw pagkatapos mag-check out ng bisita sa kwalipikadong reserbasyon (pero maaaring mas matagal ito depende sa mga rekisito sa beripikasyon o mga sitwasyong hindi namin kontrolado). Halimbawa, kung Enero 10 ang petsa ng pag‑check out sa kwalipikadong reserbasyon, karaniwang ipapadala ang payout bandang Enero 24.

Mga alituntunin para sa Superhost Ambassador

Dapat tandaan ng mga Ambassador ang mga alituntuning ito:

1. Para maging malinaw ang pagsuporta mo, mainam na magpakilala ka bilang Superhost Ambassador na may layuning tulungan ang mga bagong host na makapagsimula sa pagho‑host sa Airbnb.
2. Hindi empleyado ng Airbnb ang mga Superhost Ambassador at hindi sila nagtatrabaho sa ilalim ng Airbnb o ng mga empleyado nito. Dapat itong linawin sa mga referral at gagabayang bagong host sa mga pakikipag‑ugnayan mo. Mga independiyenteng kontratista na may sariling negosyo ang mga Superhost Ambassador. Hindi nila dapat gamitin ang pangalan, mga logo, at iba pang IP ng Airbnb sa lahat ng tool sa marketing, gaya ng mga domain name, pangalan ng negosyo, trademark, pag‑bid sa mga keyword, username sa social media, o iba pang pantukoy sa pinagmulan. May higit pang detalye sa Mga Tuntunin at Kondisyon ng Programang Superhost Ambassador.
3. Hindi dapat kasama sa iyong mga gawain bilang Superhost Ambassador ang pagbibigay ng payong legal, payo sa pagbubuwis, o iba pang partikular na payo na nangangailangan ng lisensya o kadalubhasaan sa larangan, gaya ng usapin sa pagbubuwis, property, pagpapaupa, pagtatasa ng halaga, o pagbibigay ng permit.
4. Hindi sina‑spam ng mga matagumpay na Superhost Ambassador ang mga referral at ginagabayang bagong host. Igalang ang privacy ng iba at makipag‑ugnayan lang sa mga taong pumayag na makatanggap ng mensahe mula sa iyo.
5. Sa mga email, social media, at iba pang materyal, mainam na magsama ka ng pahayag na gaya ng “Bilang Superhost Ambassador sa Airbnb, may kikitain ako kapag naging host ka.”
6. Walang pahintulot ang mga Superhost Ambassador na gumawa ng advertisement, kabilang ang paggamit ng website at mga post sa social media, na puwedeng magpahiwatig na mula o nauugnay sila sa Airbnb sa paraang mapanlinlang sa mga bagong host o iba pang third party.
7. Hinihikayat ng Airbnb ang mga Superhost Ambassador na itaguyod ang sarili nilang mga negosyo at brand, pero kung makatanggap ang Superhost Ambassador ng bagong host referral mula sa Airbnb, hindi niya maaaring singilin o pagbayarin ang naturang referral kapalit ng pagbibigay ng suporta sa Airbnb Setup.
8. Huwag gumawa ng mapanlinlang na aktibidad, kasama ang paggawa ng mga pekeng booking, pakikipagkasundong maghatian sa mga reward, at/o pakikipag‑ugnayan sa mga bagong host referral mula sa Airbnb nang hindi tutugunan ang mga kahilingan nila.
9. Hindi ka dapat magbahagi sa mga bagong host ng sensitibong impormasyong pangnegosyo tungkol sa iyong diskarte sa negosyo, kasama ang diskarte mo sa pagtatakda ng presyo. Hindi mo rin dapat impluwensyahan ang mga presyong itatakda ng iba pang host. Ang mga host ang bahalang magpasya sa itatakda nilang presyo at puwede nilang isaayos ang mga nakatakdang presyo anumang oras kung paano man nila gusto.