Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Paano mag-host ayon sa gusto mo

I-host ang patuluyan mo ayon sa iyong kagustuhan sa pamamagitan ng pagsasaayos ng mga setting at alituntunin sa tuluyan.
Ni Airbnb noong Nob 10, 2020
6 na minutong pagbabasa
Na-update noong Nob 16, 2022

Mga Katangi-tanging Feature

  • Sa pamamagitan ng iyong listing, maitatakda mo kung ilang bisita ang iho-host mo at kung ano ang mga amenidad na puwede nilang ma-access

  • Nakakatulong ang mga alituntunin sa tuluyan para makapagtakda ka ng mga inaasahan at maipaalam sa mga bisita ang estilo ng iyong pagho-host

  • Ang iyong mga setting sa pag-book ang magtatakda kung kailan puwedeng i-book ng mga bisita ang iyong tuluyan

Maaaring bago para sa iyo ang pagtanggap ng mga taong hindi mo pa nakikilala sa iyong tuluyan. Para matulungan kang maging mas komportable sa pagho-host, may mga setting at feature ang Airbnb kung saan nakokontrol mo kung paano at kailan ka magho-host.

Mula sa kung aling mga lugar sa iyong patuluyan ang available sa mga bisita hanggang sa bilang ng mga bisita na puwedeng mamalagi, maaari mong iangkop ang iyong mga setting sa pag-book batay sa iyong mga pangangailangan, availability, at mga preperensiya.

Kung hindi ka sigurado kung paano pumili ng iyong mga setting sa pag-book o kung paano gumawa ng mga alituntunin sa tuluyan, huwag mag-alala. Gagabayan ka namin sa iba't ibang opsyon at magbibigay kami ng ilang halimbawa ng mga paraan kung paano ka puwedeng mag-host ayon sa gusto mo.

Gumawa ng malinaw at detalyadong listing

Nagbibigay sa mga bisita ng pasilip sa iyong tuluyan ang listing mo, na nakakatulong sa kanila na magkaroon ng mas malinaw na ideya tungkol sa iyong kaayusan sa tuluyan at pagpepresyo bago sila magpareserba. Kapag gumagawa ng iyong listing, isaalang-alang:

  • Magkano ang sisingilin mong presyo kada gabi at mga bayarin: Kapag nagho-host ka sa Airbnb, ikaw ang magtatakda sa presyo kada gabi na sisingilin mo sa iyong mga bisita. Puwedeng baguhin ang iyong mga presyo anumang oras bago ka tumanggap ng reserbasyon at puwedeng mag-iba-iba gabi-gabi at pana-panahon. Puwede mo ring piliing magsama ng mga dagdag na bayarin para sa paglilinis, karagdagang bisita, at higit pa. Puwedeng makatulong ang aming mga tip sa pagpepresyo para makapagtakda ka ng sulit na presyo.
  • Ilang bisita ang puwedeng mamalagi sa iyong patuluyan: Sa iyong listing, isaad ang maximum na bilang ng mga bisitang gusto mong i-host sa isang pagkakataon. Puwede lang i-book ng mga bisita ang iyong tuluyan kung pareho o mas kaunti ang kabuuang bilang ng mga tao sa kanilang grupo kumpara sa itinakda mo sa iyong mga pamantayan sa pagbu-book.
  • Aling mga amenidad ang puwedeng gamitin ng mga bisita: Hindi mo kailangang ipagamit ang ihawan o washer at dryer kahit mayroon ka ng mga ito. Puwede mong isaad ang mga amenidad sa iyong tuluyan na puwedeng gamitin ng mga bisita, mga hindi nila puwedeng gamitin, at anumang may paghihigpit. Halimbawa, isinulat ni Brian na host sa Newport, Rhode Island, sa paglalarawan ng kanyang listing na, “Maaaring gamitin ng mga bisita ang washer at dryer ko kapag hiniling nila.”

Itakda ang iyong mga alituntunin sa tuluyan

Nakakatulong ang mga alituntunin sa tuluyan para maging malinaw ang tungkol sa iyong estilo ng pagho-host at para makapagtakda ng mga inaasahan sa mga bisita. Nakakatulong din ang mga ito sa mga bisita na magdesisyon nang mas maaga kung angkop ba ang iyong patuluyan para sa kanila.

Itinatampok na ngayon ang iyong mga alituntunin sa tuluyan sa napapansing apat na bahagi: sa iyong page ng listing, kapag nag-book ang mga bisita sa iyong patuluyan, at sa email na Mag- empake Ka Na pati na rin ang Gabay sa Pagdating na matatanggap ng mga bisita bago ang kanilang biyahe. Dahil sa mga pangunahing alituntunin, puwedeng ipatupad ang anumang bagay na isasama mo sa iyong mga karaniwang alituntunin sa tuluyan.

Puwede kang pumili ng iyong mga karaniwang alituntunin sa tuluyan mula sa hanay ng mga permanenteng opsyon sa mga sumusunod na aspeto:

  • Mga Alagang Hayop
  • Mga Event
  • Paninigarilyo, vaping, at mga e-cigarette
  • Mga oras na dapat tahimik na
  • Mga oras ng pag-check in at pag-check out
  • Maximum na bilang ng mga bisita
  • Commercial photography at pag-film

Tulad ng dati, puwede ka ring magdagdag ng nakasulat na hanay ng mga karagdagang alituntunin na isasama sa iyong mga karaniwang alituntunin sa tuluyan. Dapat tukuyin ng iyong mga karagdagang alituntunin ang anumang bagay na bawal para sa mga bisita, tulad ng pribadong balkonahe o personal na lagayan ng damit. Puwede ka ring magsama ng mga alituntuning may kaugnayan sa mga lokal at panrehiyon na kaugalian (gaya ng pananatiling tahimik kapag siesta) at mga rekisito na hindi kasama sa mga karaniwang alituntunin sa tuluyan (gaya ng bawal ang sapatos sa loob ng tuluyan).

Kung naniniwala kang nilalabag ng bisita ang iyong mga alituntunin—sa mga pinili mo man o sa mga isinulat mo—makipag-ugnayan sa Suporta sa Komunidad. Susuportahan ka namin kung kailangan mong kanselahin ang reserbasyon.

Tandaan: Dapat naaayon ang lahat ng alituntunin sa tuluyan sa mga patakaran at tuntunin ng Airbnb—kabilang ang aming mga tuntunin ng serbisyo at patakarang laban sa diskriminasyon.

Paano i-edit ang iyong mga alituntunin sa tuluyan

Piliin ang iyong mga setting sa pag-book

Gamitin ang iyong mga setting ng kalendaryo at setting sa pag-book para itakda ang iyong availability at tukuyin ang mga uri ng booking na gusto mong matanggap. Sa pagtukoy ng iyong mga setting sa pag-book, isaalang-alang ang:

  • Ang iyong availability: Ikaw ang magdedesisyon kung kailan mo gustong i-alok sa mga bisita ang iyong patuluyan. Kung magbabakasyon ka, magho-host ng mga kaibigan o kapamilya, o hindi makakapag-host sa ilang partikular na panahon, puwede mong i-block ang iyong kalendaryo para sa mga partikular na petsa. Kung mas gusto mong magkaroon ng higit pang oras para maglinis o magpahinga sa pagitan ng mga bisita, puwede ka ring magtakda ng karaniwang oras ng paghahanda bago ang bawat booking para makagawa ng buffer sa pagitan ng bawat pamamalagi.
  • Paano makakapag-book ang mga bisita: Bilang host, puwede mong piliin kung paano mabu-book ng mga bisita ang iyong tuluyan: sa pamamagitan ng paggamit sa Madaliang Pag-book o pagpapadala ng kahilingan sa pagpapareserba. Sa pamamagitan ng Madaliang Pag-book, agad na mabu-book ng mga tao ang iyong tuluyan para sa anumang available na petsa kapag natutugunan nila ang lahat ng iyong kinakailangan para sa bisita at kapag sumasang-ayon sila sa iyong mga alituntunin sa tuluyan. Kapag may mga kahilingan sa pagpapareserba, susuriin at tatanggapin mo isa-isa ang bawat kahilingan.
  • Gaano katagal mo gustong mamalagi ang mga bisita: Puwede kang pumili ng minimum at maximum na tagal ng pamamalagi sa iyong patuluyan, ayon sa mga lokal na batas. Inaayos ng ilang host ang kanilang mga rekisito batay sa pana-panahong demand, na nangangailangan ng dalawang gabi o minimum na isang linggo kapag peak season.
  • Paunang abiso: Hindi ka ba sigurado kung kailan ka magiging available para mag-host sa hinaharap? Walang problema. Gamitin ang iyong mga setting para makontrol kung gaano kaaga mo gustong tumanggap ng mga booking. Sa ganoong paraan, hindi makakapagpareserba ang mga bisita para sa mga petsang hindi mo handang tanggapin. Puwede mo ring itakda ang panahon ng pag-aabisong kailangan mo bago dumating ang mga bisita—halimbawa, puwede mong gamitin ang iyong mga setting para maiwasan ang mga booking sa mismong araw o sa susunod na araw kung gusto mong magkaroon ng higit pang panahon para sa abiso bago dumating ang bisita.
  • Mga oras ng pagdating at pag-alis ng bisita: Puwedeng makasagabal ang mga nahuhuling pag-check out at maagang pagdating sa ibang reserbasyon, lalo na kung mayroong kang sunod-sunod na mga booking. Puwede mong gamitin ang iyong mga setting para makapagtakda ng oras ng pagdating at pag-alis ng bisita, at i-edit ang iyong listing para ilarawan kung bakit mahalagang sumunod ang mga bisita sa mga oras na ito (halimbawa: "Darating ang tagalinis ng 11:00 AM.").

Tandaan, puwedeng isaayos anumang oras ang iyong mga setting sa pag-book. Makakatulong din ang regular na pagsusuri sa iyong mga setting sa pag-book para matiyak na tumutugma ang mga ito sa iyong kasalukuyang availability at mga preperensiya sa pagho-host.

Mag-host nang may kumpiyansa

Pinahahalagahan ng mga host ang mga bisitang itinuturing ang kanilang patuluyan na parang kanila. Sa Airbnb, nagpatupad kami ng maraming patakaran at proteksyon para matulungan kang makahikayat ng mga bisitang angkop para sa iyong tuluyan.

Bukod pa sa mga proteksyong ito, makakatulong ang mga malinaw na paglalarawan ng listing, mga detalyadong alituntunin sa tuluyan, at mga napapanahong setting sa pag-book para matiyak na iginagalang ang iyong patuluyan, na nagbibigay sa iyo ng higit na kumpiyansa at tumutulong sa iyong gumawa ng mas magandang karanasan para sa iyong mga bisita.

Posibleng nagbago ang impormasyong nakasaad sa artikulong ito mula noong na-publish ito.

Mga Katangi-tanging Feature

  • Sa pamamagitan ng iyong listing, maitatakda mo kung ilang bisita ang iho-host mo at kung ano ang mga amenidad na puwede nilang ma-access

  • Nakakatulong ang mga alituntunin sa tuluyan para makapagtakda ka ng mga inaasahan at maipaalam sa mga bisita ang estilo ng iyong pagho-host

  • Ang iyong mga setting sa pag-book ang magtatakda kung kailan puwedeng i-book ng mga bisita ang iyong tuluyan

Airbnb
Nob 10, 2020
Nakatulong ba ito?