Pag-unawa sa Madaliang Pag-book

Puwedeng mapabilis ng Madaliang Pag-book ang proseso ng pagbu-book at maaaring maging kapansin-pansin ang iyong listing dahil dito.
Ni Airbnb noong Dis 14, 2020
4 na minutong pagbabasa
Na-update noong Nob 17, 2022

Mga Katangi-tanging Feature

  • Tiyaking napapanahon ang iyong kalendaryo kapag ginagamit mo ang Madaliang Pag-book

  • Piliin ang mga sarili mong pamantayan para sa Madaliang Pag-book

  • I-on ang Madaliang Pag-book

  • Tumuklas pa sa aming kumpletong gabay sa pag-set up ng matagumpay na listing

Sa Madaliang Pag-book, mabilis na mabu-book ng mga bisita ang iyong tuluyan para sa mga available na petsa para hindi mo na kailanganing isa-isang suriin at tanggapin ang bawat kahilingan sa pagpapareserba. Natutuwa ang mga bisita sa opsyong gamitin ang Madaliang Pag-book at sinasabi ng maraming host na lumalaki ang kita nila kapag ginagamit nila ang tool na ito. Natutuwa rin ang mga host dahil napapadali nito ang mga bagay-bagay.

Para matagumpay na magamit ang Madaliang Pag-book, tiyaking napapanahon ang iyong kalendaryo. Kung hindi napapanahon ang iyong kalendaryo, puwede kang mabigla sa mga hindi inaasahang booking o makansela ang reserbasyon dahil sa problema sa pag-iiskedyul. Puwede itong humantong sa pagkakaroon ng bayarin sa pagkansela. Para matiyak na palaging napapanahon ang iyong kalendaryo sa Airbnb, mainam na i-sync ito sa iyong pangunahing kalendaryo (iCal, Google, atbp.)

Mga tool para sa higit na kapanatagan ng isip

May ilang host na maaaring mag-alangang gamitin ang Madaliang Pag-book sa simula dahil nag-aalala sila na hindi sila makakakuha ng sapat na impormasyon tungkol sa mga potensyal na bisita bago makapag-book ang mga iyon. Bago magamit ng mga bisita ang Madaliang Pag-book, dapat nilang matugunan ang lahat ng itinakda mong kinakailangan para sa bisita at tanggapin ang iyong Mga Alituntunin sa Tuluyan.

Puwede mong itakda sa iyong mga kinakailangan na mag-aalok lang ng Madaliang Pag-book sa mga bisitang may magandang katayuan—ibig sabihin, mayroon silang kahit man lang isang pamamalagi at wala silang anumang hindi magandang review—at mga bisitang dumaan sa proseso ng pagpapatunay ng pagkakakilanlan ng Airbnb na binubuo ng maraming hakbang.

Ipinatupad namin ang pagpapatunay ng pagkakakilanlan ng lahat ng nagbu-book na bisita na bumibiyahe sa nangungunang 35 bansa at rehiyon sa Airbnb kung nasaan ang 90% ng lahat ng reserbasyon. Ipapatupad namin ito sa buong mundo sa unang bahagi ng 2023. Kung manghihingi ka ng inisyung ID ng gobyerno sa mga bisita para sa mga personal na dahilan o kung kinakailangan ito para sa lugar kung nasaan ang iyong property, puwede kang magpadala sa mga bisita ng mensahe gamit ang iyong inbox sa pagho-host para hilingin ito sa kanila.

Bakit posible ka pa ring makatanggap ng mga kahilingan sa pagpapareserba

Kahit naka-on ang Madaliang Pag-book, may mga sitwasyon kung kailan posible kang makatanggap ng mga kahilingan sa pagpapareserba mula sa mga bisita. Puwede itong mangyari kung medyo matagal mo nang hindi naa-update ang iyong kalendaryo o kung nagkansela ka kamakailan ng reserbasyon. Maaari ding magpadala ng mga kahilingan sa pagpapareserba ang mga bisitang hindi nakakatugon sa iyong mga pamantayan para madaliang mag-book. Para sa anumang kahilingang matatanggap mo, kakailanganin mong tumugon sa pamamagitan ng pagtanggap o pagtanggi sa reserbasyon o pagpapadala ng mensahe sa mga potensyal na bisita mo sa loob ng 24 na oras.

Bakit hindi ginagamit ng ilang host ang Madaliang Pag-book

Sa kabila ng kagandahan ng Madaliang Pag-book, napag-alaman ng ilang host na mas mainam para sa kanilang makatanggap ng mga kahilingan sa pagpapareserba:

  • Nag-aalok lang sila ng mas matatagal na pamamalagi. Itinakda ni Annie, isang host sa Sonoma, California, na makatanggap ng mga kahilingan sa pagpapareserba dahil nag-aalok lang siya ng mga pamamalagi na 30 araw o mas matagal pa bilang pagsunod sa mga regulasyon sa pagho-host sa kanyang lugar. “Gusto ko sanang gamitin ang Madaliang Pag-book pero mas maraming lohistikang kailangang tukuyin sa pagho-host ng bisita nang ganoon katagal,” sabi niya.
  • May mga natatanging personal na kinakailangan sila. Sensitibo sa kapaligiran si Nichola, isang host sa Guelph, Canada, kaya kailangan niyang panatilihing walang amoy ang kanyang patuluyan. Dahil dito, gumagamit siya ng mga kahilingan sa pagpapareserba para matiyak na handang tanggapin ng mga bisita ang mga alituntunin sa tuluyan niya na lubhang partikular. “Inaatake ako ng migraine dahil sa mga produktong may pabango kaya kailangan kong tiyaking nauunawaan ng mga bisita ang mga allergy sa pabango,” sabi niya.
  • May mga feature na espesyal o maaaring makasagabal ang kanilang patuluyan. Halimbawa, pribadong kuwarto sa bahay na may mga alagang hayop o mga bata o lugar na talagang malaprobinsya na maaaring hindi madaling kilusan para sa ilang partikular na bisita. Mainam na gumamit ng mga kahilingan sa pagpapareserba para matiyak na alam ng mga bisita ang lahat ng pambihirang aspeto ng iyong patuluyan bago sila mamalagi.

Mahalagang maaasahan ka kapag ginagamit mo ang Madaliang Pag-book

Ikaw ang bahala kung gusto mong gamitin ang Madaliang Pag-book pero tandaang mahalagang maaasahan ka para maging mahusay na host. Isaisip ang mga patakaran sa pagkansela ng host ng Airbnb at subukang iwasang magkansela kapag posible.

Gayunpaman, kung gagamitin mo ang Madaliang Pag-book at hindi ka kampante sa nakumpirma nang reserbasyon (halimbawa, nagtatanong ang mga bisita kung puwede silang hindi sumunod sa iyong mga alituntunin sa tuluyan), puwede kang magkansela ng booking nang walang penalty gamit ang online na tool sa pagkansela hanggang tatlong beses kada taon.

Tandaang hindi ka kailanman puwedeng magkansela batay sa anumang dahilan na lumalabag sa patakarang laban sa diskriminasyon ng Airbnb. At kung magkansela ka man ng reserbasyon, ipinapahiwatig nito na maaaring hindi angkop para sa iyo sa ngayon ang Madaliang Pag-book kaya posibleng magpadala na lang ang Airbnb ng mga kahilingan sa pagpapareserba para sa mga susunod na booking sa iyo.

Posibleng nagbago ang impormasyong nakasaad sa artikulong ito mula noong na-publish ito.

Mga Katangi-tanging Feature

  • Tiyaking napapanahon ang iyong kalendaryo kapag ginagamit mo ang Madaliang Pag-book

  • Piliin ang mga sarili mong pamantayan para sa Madaliang Pag-book

  • I-on ang Madaliang Pag-book

  • Tumuklas pa sa aming kumpletong gabay sa pag-set up ng matagumpay na listing
Airbnb
Dis 14, 2020
Nakatulong ba ito?