Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Malugod na tanggapin ang mga una mong bisita sa Airbnb

Gumawa ng di‑malilimutang biyahe para sa iyong mga bisita sa bawat pagkakataon.
Ni Airbnb noong Nob 20, 2019
3 minutong pagbabasa
Na-update noong Okt 4, 2022

Mga Katangi-tanging Feature

Maaaring kabahan ka nang kaunti habang inaabangan mo ang pagdating ng mga una mong bisita. Pero kami ang bahala sa iyo sa bawat hakbang. Gusto mo bang makabuo ng magandang karanasan para sa mga una mong bisita at sa mga susunod pa? Tingnan ang gabay na ito na binubuo ng limang hakbang.

Ika‑1 Hakbang: Makipag‑usap nang maaga at madalas

Nag‑uumpisa ang pagtanggap sa mga bisita bago pa man sila pumasok sa pintuan. Sa pagtugon nang mabilis sa mga mensahe ng mga bisita, naipapaalam mo sa kanila na pinapahalagahan mo ang kanilang mga pangangailangan.

Isa ring oportunidad ang mga maagap na usapang ito para magtakda ng mga inaasahan. Mga kapaki‑pakinabang na tip:

  • Maging matapat. Maaaring may mga nakaligtaan ang mga bisita na mahahalagang detalye sa paglalarawan ng iyong listing. Mainam na ipaalala sa kanila kung ikaw, ang iyong pamilya, iba pang bisita, o alagang hayop ay magiging kahati nila sa anumang lugar.
  • Maging mausisa. Maging bukas sa pagtanggap sa lahat sa pamamagitan ng pagtatanong sa mga bisita kung ano ang kailangan nila para maging komportable at maramdamang tinatanggap sila sa tuluyan mo.
  • Tumugon sa madaling paraan. Gamitin ang sistema sa pagpapadala ng mensahe ng Airbnb o ang app para tumugon sa mga bisita nasa bahay o nasa labas ka man.
  • Magplano nang maaga. Kung inaasahan mong magpadala ng magkaparehong impormasyon sa maraming bisita, gamitin ang mga tool sa pagpapadala ng mensahe para makatipid ng oras.

Ika‑2 Hakbang: Gawing madali ang pag‑check in

Puwede mong sagutin ang mga karaniwang tanong at padaliin ang mga bagay‑bagay para sa mga bisita sa pamamagitan ng pagsagot sa lahat ng field na nasa seksyong Impormasyon para sa mga bisita sa tab na Mga Listing, kabilang ang mga direksyon papunta sa iyong tuluyan, mga tagubilin sa pag‑check in, at impormasyon sa wifi. Ibabahagi ito sa tab na Mga Biyahe ng mga bisita mo 48 oras bago sila mag‑check in.

Ayon sa mga bisita, partikular na ang mga kabilang sa mga komunidad na dati nang marginalisado, na mas komportable sa kanila ang sariling pag‑check in. Pero kung malapit ka, puwede mo ring itanong sa mga bisita mo kung mas gusto nilang mag‑check in nang personal.

I‑explore ang gabay sa ingklusibong pagho‑host

Ika‑3 Hakbang: Panatilihing malinis at maayos ang mga bagay

Kapag nag‑book ang mga bisita sa Airbnb, inaasahan nilang malinis na tuluyan ang dadatnan nila. Kung may matuklasang kumpol ng alikabok sa kuwarto o mga butil ng pagkain sa kusina ang mga bisita, baka iyon lang ang maalala nila tungkol sa tuluyan mo.

Nakakawalang‑gana kapag may nagkalat na mga buhok, kaya tiyaking pagtuunan ng pansin ang mga lugar kung saan kadalasang nakakahanap ng buhok, tulad ng mga sapin, tuwalya, sahig, at banyo. At magmumukhang makalat ang tuluyan mo kapag masyadong maraming personal na gamit, kaya subukang ilagay ang mga ito sa closet o mga katulad na lugar kung saan hindi makakaabala ang mga ito

Ika‑4 na Hakbang: Paghandaan ang mga pangangailangan ng bisita

Iba‑iba ang bawat bisita, pero umaasa ang karamihan na magkakaroon sila kaagad ng access sa ilang partikular na item at impormasyon. Pag‑isipang:

  • Maghanda sa tuluyan mo ng mga pangunahing amenidad, kabilang ang mga tuwalya, linen, sabon, at toilet paper
  • I‑update ang manwal ng tuluyan mo para bigyan ang mga bisita ng mahalagang impormasyon tungkol sa mga lugar na hindi puwedeng puntahan, mga tagubilin para sa wifi, atbp.
  • Gumawa ng guidebook na nagtatampok sa mga paborito mong restawran, grocery, kapihan, at higit pa
  • Tiyaking puwedeng makipag‑ugnayan sa iyo sa pamamagitan ng text, tawag, o email sakaling magkaroon ng problema
  • Tiyaking madaling makukuha ang mga numero ng telepono ng mahahalagang tao, gaya ng tubero, handyperson, ahente ng suporta para sa internet at cable, o mga kapitbahay

Ika‑5 Hakbang: Magbigay at makakuha ng mga review

Kapag nag‑check out na ang mga bisita mo, magkakaroon sila ng pagkakataong magbigay ng review ng tuluyan mo. Napakahalaga ng ilang unang review sa iyo sa pagtatagumpay mo sa Airbnb. Lalabas ang average na star rating mo sa iyong listing pagkatapos mong makatanggap ng tatlong review at maaari itong makaapekto sa rank mo sa mga resulta ng paghahanap.

Magkakaroon ka rin ng pagkakataong bigyan ng review ang mga bisita. Nakakatulong ang proseso ng pagbibigay ng review para magkaroon ng tiwala ang mga bisita at host, na bumubuo ng pundasyon para sa buong komunidad ng Airbnb. Maging matapat at magalang sa mga sinasabi mo at gamitin ang parehong pamantayan para suriin ang bawat bisita.

Mga Katangi-tanging Feature

Airbnb
Nob 20, 2019
Nakatulong ba ito?