Mga pangunahing bagay sa pagho-host sa Airbnb

Narito kung paano magsimulang kumita ng pera bilang host.
Ni Airbnb noong Nob 20, 2019
3 minutong pagbabasa
Na-update noong Nob 8, 2023

Maraming dahilan kung bakit nagho‑host sa Airbnb ang mga tao, gaya ng dagdag na kita at pakikisalamuha sa mga biyaherong mula sa iba't ibang panig ng mundo. Puwede kang mag‑host ng anumang uri ng patuluyan, buong property, ekstrang kuwarto, o guesthouse man iyon. Narito ang ilang puwedeng gawin para makapagsimula.

Gumawa ng listing

Isa sa mga unang kailangan mong gawin ang mag‑set up ng listing. Tumpak na ilarawan ang patuluyan mo, ibahagi kung ano ang natatangi, at magtakda ng malilinaw na dapat asahan ng mga bisita. Pagkakataon mo ito para mahikayat ang mga bisita na i‑book ang patuluyan mo.

  • Mga litrato: Mag‑upload ng mga litrato ng bawat kuwarto na kinunan sa iba't ibang anggulo para maipaalam ang mga puwedeng magamit ng mga bisita. May tool na pinapagana ng AI na makakatulong sa iyong ayusin ang mga litrato ayon sa kuwarto para makagawa ng virtual tour. Magdagdag ng mga detalye sa bawat kuwarto, gaya ng mga kaayusan sa pagtulog at mga accessibility feature.

  • Pamagat at paglalarawan: Subukang isaad ang dapat malaman ng mga bisita tungkol sa patuluyan mo. Gumamit ng mga ingklusibong salita para linawing malugod mong tinatanggap ang lahat ng tao anuman ang pinagmulan nila.

  • Mga amenidad: Pumili sa panimulang listahan ng mga opsyon habang nagse‑set up ka. Kapag na‑publish mo na ang listing mo, i‑browse ang kumpletong listahan ng mga amenidad at idagdag ang lahat ng iniaalok mo. Maglagay ng mga kapaki‑pakinabang na detalye, halimbawa, kung may mga accessibility feature sa patuluyan mo.

  • Mga alituntunin sa tuluyan: Gamitin ang iyong mga alituntunin sa tuluyan para magtakda ng mga dapat asahan, magbigay ng ideya tungkol sa paraan ng pagho‑host mo, at magbahagi sa mga potensyal na bisita ng mahalagang impormasyon, gaya ng patakarang nagbabawal sa paninigarilyo.

Magtakda ng presyo

Ikaw ang bahala kung magkano ang itatakda mong presyo kada gabi. Nakabatay ang iminumungkahing presyong isinasaad sa Airbnb Setup sa mga salik na gaya ng lokasyon, mga amenidad, demand ng bisita, at mga katulad na listing. Puwede mong piliing gamitin ang presyong iyon o puwede kang magtakda ng iba, at mababago mo iyon anumang oras.

Kapag nauunawaan mo ang demand sa lugar ninyo, makakapagtakda ka ng sulit na presyo. Alamin ang average na presyo ng mga naka‑book na katulad na listing sa malapit mula mismo sa kalendaryo mo. Puwede mo ring subukan ang tool naming Smart Pricing na awtomatikong nagsasaayos sa itinakda mong presyo kada gabi batay sa demand.

Puwedeng makahikayat ng mga bisita ang mga diskuwento at promo sa mga partikular na sitwasyon. Kasama sa mga ito ang promo para sa bagong listing na nagbibigay ng 20% diskuwento sa presyo kada gabi para sa unang tatlong booking sa iyo at ang mga diskuwento para sa mga lingguhan at buwanang pamamalagi.

Paano at kailan ka mababayaran

Direktang sinisingil ng Airbnb ang bawat bisita bago mag‑check in. Ipinapadala namin ang kita mo sa pagho‑host humigit‑kumulang 24 na oras pagkalipas ng nakaiskedyul na oras ng pag‑check in ng bawat bisita. Nakadepende sa pipiliin mong paraan ng payout kung kailan mo matatanggap sa account mo ang halaga.

Iba‑iba depende sa lokasyon mo ang mga paraan ng payout. Ilang halimbawa ang bank transfer, PayPal, Western Union, at Fast Pay. Puwede mong i‑set up ang paraan ng payout mo ngayon at baguhin iyon anumang oras. Alamin pa kung paano ka mababayaran sa pagho‑host.

Maghandang malugod na tanggapin ang mga una mong bisita

Inaasahan ng mga bisita na malinis at may mga pangunahing kailangan ang patuluyan mo. Inaasahan din nilang magbabahagi ka ng kapaki‑pakinabang na impormasyon. Narito ang ilang paraan para maihanda mo ang patuluyan mo at makipag‑ugnayan gaya ng inaasahan:

  • Siguraduhing walang magiging aberya. Magdagdag ng mga malinaw at sunod‑sunod na tagubilin para sa pag‑check in at pag‑check out, at magsama ng mga litrato ng proseso ng pag‑check in.

  • Makipag‑ugnayan sa mahahalagang sandali. Magpadala sa mga bisita ng mga nakaiskedyul na mensahe na may napapanahong impormasyon kapag nag‑book sila, bago ang pag‑check in, kapag dumating na sila, at sa pag‑alis nila.

  • Maging masinop sa paglilinis. Gumawa ng checklist para mapagtuunan ang mga bahaging pinakamadalas galawan, laging linisin ang bawat kuwarto, at siguraduhing walang mantsa, buhok, at dumi.

  • Kumpletuhin ang mga pangunahing kailangan. Inaasahan ng mga bisita na may mga pangunahing kailangan sa patuluyan mo, gaya ng sabon, mga linen, at mga tuwalya.

  • Maglagay ng mga munting karagdagan. Pag‑isipang magbigay ng pambungad na regalo at mag‑alok ng mga gamit na gaya ng mga power adapter at board game para maging mas komportable ang patuluyan mo.

Posibleng nagbago ang impormasyong nakasaad sa artikulong ito mula noong na‑publish ito.
Airbnb
Nob 20, 2019
Nakatulong ba ito?