Mga pangunahing alituntunin para sa mga bisita

Note ng editor: Na‑publish ang artikulong ito bilang bahagi ng Airbnb 2022 Release sa Nobyembre. Maaaring nagbago ang impormasyon mula noong na‑publish ito. Matuto pa tungkol sa pinakabago naming release ng produkto.

Walo sa bawat 10 reserbasyon sa Airbnb noong 2022 ang binigyan ng five‑star na review. Lubos kang nagsisikap para masigurong maganda ang karanasan ng mga bisita. Gusto rin naming masigurong maayos ang karanasan mo sa pagpapatuloy ng mga bisita.

Para matiyak na igagalang ng mga bisita ang patuluyan mo, gumawa kami ng mga pangunahing alituntunin. Isang hanay ito ng mga maipapatupad na alituntuning dapat sundin ng lahat ng bisita. Simple at malinaw ang mga ito, at ipinapaalam namin ang mga ito sa bawat bisita bago sila mag‑book.

Sa pamamagitan ng mga alituntunin sa tuluyan, maitatakda mo sa simula pa lang ang mga dapat asahan ng mga bisita at mga inaasahan sa kanila. Sa tulong ng mga pangunahing alituntunin, maipapatupad ang anumang karaniwang alituntunin sa tuluyan na itinakda mo kung hindi mo malulutas ang isyu nang direkta sa bisita.

Makakapili ka sa listahan ng mga karaniwang alituntunin sa tuluyan kaugnay ng:

• Mga alagang hayop
• Mga event
• Paninigarilyo, pagve-vape, at paggamit ng e‑cigarette
• Mga oras na dapat tahimik na
• Mga oras ng pag‑check in at pag‑check out
• Maximum na bilang ng bisita
• Commercial photography at filming

Kung may mga espesyal na tagubilin ka na hindi kasama sa mga karaniwang alituntunin sa tuluyan, puwede mong ilagay ang mga iyon sa Mga karagdagang alituntunin sa mga setting ng listing mo.

Itinatampok ang iyong mga alituntunin sa tuluyan sa apat na bahagi: sa page ng listing mo, sa screen ng kumpirmasyon sa pag‑book, at sa email na Mag‑empake Na at Gabay sa Pagdating na matatanggap ng mga bisita bago ang kanilang biyahe.

Ayon sa mga pangunahing alituntunin, kinakailangang igalang ng mga bisita ang patuluyan mo gaya ng ginagawa nila sa sarili nilang tahanan. Kapag umalis ang mga bisita, hindi dapat nila iwan ang patuluyan mo sa kondisyong nangangailangan ng masusi o labis na paglilinis, gaya ng carpet na dinumihan ng mga alagang hayop.

Kung magdudulot ang mga bisita ng pinsalang hindi dahil sa karaniwang pagkaluma, inaasahan naming makikipagtulungan sila sa iyo para makahanap ng makatwirang solusyon. Inaasahan din naming babayaran nila ang mga makatwirang kahilingan para sa pagbabalik ng nagastos kung sila ang responsable sa pinsala, mga nawawalang gamit, o mga hindi inaasahang gastos sa paglilinis.

Kung hindi, saklaw ka ng proteksyon sa pinsala para sa host na bahagi ng AirCover para sa mga Host.

Kung hindi sumusunod ang bisita sa mga pangunahing alituntunin, puwede mo itong iulat sa pamamagitan ng pagbibigay sa bisita ng mababang rating para sa kalinisan o mga alituntunin sa tuluyan sa proseso ng pagbibigay ng review o sa pamamagitan ng pakikipag‑ugnayan sa Suporta sa Komunidad.

Halimbawa, hindi pinapahintulutan ang paninigarilyo ayon sa mga karaniwang alituntunin sa tuluyan mo. Kung maninigarilyo ang mga bisita sa patuluyan mo at iuulat mo ang isyu, papapanagutin namin sila.

Kung magpapatuloy ang mga isyu, puwedeng suspindehin o alisin sa Airbnb ang mga bisitang paulit‑ulit na lumalabag sa mga karaniwang alituntunin sa tuluyan. Kung lalabag ang bisita sa mga karagdagang alituntunin mo, tutulungan ka naming gawin ang mga naaangkop na susunod na hakbang.

Kung aabisuhan mo ang bisita na nilabag niya ang iyong mga alituntunin sa tuluyan at gagawa siya ng review na paghihiganti, puwede mong tutulan ang review na iyon.

Hindi polisa ng insurance ang proteksyon sa pinsala para sa host at nasasaklawan ito ng mga tuntunin, kondisyon, at limitasyon na ito. Hindi nito pinoprotektahan ang mga host na nag‑aalok ng mga tuluyan sa Japan kung saan nalalapat ang Insurance para sa Host sa Japan, o ang mga host na nag‑aalok ng mga tuluyan sa pamamagitan ng Airbnb Travel, LLC. Nalalapat ang Plano para sa Proteksyon ng Host sa China sa mga host ng mga tuluyan sa mainland China. Para sa mga host na sa Australia nakatira o nagnenegosyo, nakadepende ang proteksyon sa pinsala para sa host sa Mga Tuntunin ng Proteksyon sa Pinsala para sa Host para sa mga User sa Australia. Tandaang nakasaad sa USD ang lahat ng limitasyon sa pagsaklaw.

Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa proteksyon sa pinsala para sa host. Hindi nauugnay sa insurance sa pananagutan para sa host ang proteksyon sa pinsala para sa host. Sa pamamagitan ng proteksyon sa pinsala para sa host, maibabalik ang nagastos mo sa mga partikular na pinsalang dulot ng mga bisita sa patuluyan at mga pag‑aari mo kung hindi nila babayaran ang mga pinsalang iyon.

Posibleng nagbago ang impormasyong nakasaad sa artikulong ito mula noong na‑publish ito.