Mag-stock ng mga kagamitang ito sa paglilinis

Handa ka na bang mapahusay pa ang iyong paglilinis? Bilang bahagi ng proseso ng mas masusing paglilinis na binubuo ng 5 hakbang ng Airbnb, batay sa handbook sa paglilinis, gumawa kami ng listahan ng mga inirerekomendang kagamitan, mula sa mga pamproteksyong kagamitan hanggang sa mga produktong panlinis para sa mga bisita. Narito ang ilang item na mainam na ihanda para sa mas masusing paglilinis.

Gamitin ang mga sumusunod na kagamitan sa paglilinis para mabawasan ang pagkakalantad mo sa mga mikrobyo at kemikal:

• Mga guwantes na itinatapon pagkagamit (inirerekomenda)
• Mask o telang pantakip sa mukha (inirerekomenda)
• Safety glasses (opsyonal, para sa paglilinis ng banyo)
• Apron o kasuotang panlinis (opsyonal)
• Mga pantakip sa sapatos (opsyonal)
• Face shield (opsyonal)

Gamit ang ilang pangunahing kagamitan, maisasagawa mo nang maayos ang proseso ng paglilinis. Narito ang kailangan mo:

• Walis at dustpan
• Timba (kung kinakailangan)
• Pamunas/Plumero
• Mga plastik ng basura
• Mga microfiber na pamunas
• Mop
• Mga paper towel
• Pangkuskos na brush
• Mga pangkuskos na pad (para sa kusina lang)
• Hagdan (kung kinakailangan)
• Pangkuskos ng toilet
• Vacuum cleaner
• Mga vacuum bag (kung kinakailangan)
• Dishwasher
• Washer at dryer

Inirerekomenda namin na gumamit lang ng mga pandisimpekta at sanitizer na nakarehistro sa mga may kaugnayang ahensya ng gobyerno (hal. ang U.S. Environmental Protection Agency o ang European Chemicals Agency). Mag-stock ng:

• Multi-surface cleaner
• Multi-surface disinfectant
• Panlinis ng salamin
• Bleach
• Sabong panlaba
• Pantanggal ng mantsa sa labada
• Sabong panghugas ng pinggan
• Panlinis ng karpet (kung kinakailangan)
• Panlinis ng sahig
• Pampakintab ng muwebles/kahoy
• Panlinis ng oven (para sa kusina lang)
• Pantanggal ng sebo sa oven (para sa kusina lang)
• Pantanggal ng amag (kung kinakailangan)

Ang kailangan mong malaman tungkol sa pagsa-sanitize gamit ang mga pandisimpekta
Marahil pinag-iisipan mo kung sapat ang produktong ginagamit mo para mapatay ang mga mikrobyo, tulad ng mga bakterya at virus. Narito ang isang maikling buod:

• Tiyaking gumamit ng mga naaprubahang pandisimpekta. Sumangguni sa mga nauugnay na ahensya ng gobyerno, tulad ng U.S. Environmental Protection Agency (EPA) o European Chemicals Agency, para sa listahan ng mga naaprubahang panlinis at pandisimpekta. Halimbawa, sa U.S., kabilang sa mga produktong inirerekomenda ng EPA ang wipes ng Clorox, mga spray ng Lysol, at iba pang madalas gamiting pandisimpekta.
• Hayaang matuyo ang produkto. Kung aalisin mo agad ang pandisimpekta bago ang inirerekomendang tagal ng pagbabad, walang garantiya na mapapatay ng produkto ang mga mikrobyo ayon sa nakasaad sa label.
• Katanggap-tanggap ang pandisimpektang wipes. Hayaang manatiling basa ang mga ibabaw sa angkop na tagal ng panahon—nakadepende sa produkto kung gaano ito katagal, kaya tiyaking basahin ang label.
• Huwag gumamit ng mga hindi napatunayang pandisimpekta. Bagama't puwedeng maging epektibong panlinis ang suka at mga essential oil, hindi naaprubahan ang mga ito ng mga ahensya na tagapagpatupad ng batas bilang mga pandisimpekta.
• Huwag paghaluin ang mga panlinis. Kung paghahaluin ang ilang produkto gaya ng bleach at ammonia, posibleng may malikhang nakakalasong gas na mapanganib kung malalanghap.

Nasabi sa amin ng mga bisita na gusto nilang makapaglinis habang namamalagi sa iyong tuluyan. Mag-stock ng mga kagamitang magagamit nila para matulungan sila rito—kung nagho-host ka ng mga pamilya, tiyaking itabi ang anumang kagamitan sa paglilinis sa lugar na hindi maaabot ng mga bata. Narito ang mga pinakakailangan ng mga bisita:

• Mga paper towel na itinatapon pagkagamit
• Multi-surface cleaner
• Pandisimpektang wipes o spray
• Antibacterial hand sanitizer
• Ekstrang sabon sa kamay

• Huwag pumasok sa isang tuluyan nang wala ng inirerekomendang pamproteksyong kagamitan, at huwag gamitin ulit ang nadumihan nang kagamitan
• Tiyaking basahin ang lahat ng pangkaligtasang label para maunawaan mo kung paano gamitin nang maayos ang mga panlinis na kemikal
• Laging itabi ang mga produktong kemikal sa lugar na hindi maaabot ng mga bata
• Para mapigilan ang pagkalat ng mga mikrobyo, huwag hawakan ang iyong mukha habang naglilinis

Pagkatapos mong maglinis, huwag kalimutang suriin kung anong kagamitan ang mauubos na o malapit nang mag-expire, para mapalitan at mapuno mo ulit ang mga ito bago ang susunod na paglilinis.

SUSUNOD: Sabihan ang mga bisita tungkol sa iyong proseso ng mas masusing paglilinis

Maaaring nagbago ang impormasyong nakasaad sa artikulong ito mula noong na-publish ito. Sa proseso ng mas masusing paglilinis na binubuo ng 5 hakbang, may simpleng hanay ng mga rekisito para sa paglilinis ng iyong listing. Para sa karagdagang impormasyon kung paano isagawa ang mga hakbang na iyon, sumangguni sa buong handbook sa paglilinis ng Airbnb. Bilang host, maaaring kailanganin mong magsagawa ng mga karagdagang hakbang para maprotektahan ang sarili, mga team, at mga bisita mo, at dapat kang sumangguni at sumunod palagi sa anumang may kaugnayang lokal na batas o tagubilin. Hindi mananagot ang Airbnb para sa anumang pinsala o sakit na matatamo sa pagsunod sa proseso ng paglilinis na ito. Para sa mga tagubilin sa paglilinis at alituntuning partikular sa rehiyon kung saan ka nagho-host, i-bookmark ang artikulong ito sa Help Center.