Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Pagpapasimple sa proseso ng pag‑check in

Kailangang madaling makakapasok ang mga bisita sa patuluyan mo.
Ni Airbnb noong Ene 3, 2020
2 minutong pagbabasa
Na-update noong Nob 8, 2023

Para maging matagumpay ang pamamalagi, mahalagang siguraduhing makakarating at makakapasok sa patuluyan mo ang mga bisita. Personal o online man ang pagsalubong mo sa mga bisita, dapat mong malinaw na iparating ang mga tagubilin mo para masigurong walang magiging aberya sa pag‑check in.

Paggawa ng diskarte sa pag‑check in

Bumuo ng proseso ng pag‑check in na simple at maaasahan, at subukan iyon para makumpirmang walang bisitang magkakaproblema roon.

  • Piliin kung paano tatanggapin ang mga bisita. Maraming bisita ang natutuwa sa dali ng sariling pag‑check in kung saan gumagamit ng mga aparatong gaya ng mga keypad at smart lock.

  • Magdagdag ng mga sunod‑sunod na tagubilin sa tab na Mga Listing. Hihingan ka ng mga litrato ng proseso at maikling tagubilin para sa mga bisita.

  • Ilagay ang tamang address at pin ng lokasyon. Kung nasa liblib na lugar ang patuluyan mo o walang signal sa malapit, maglagay ng mga eksaktong direksyon para hindi malito ang mga bisita.

  • Ipadala ang mga tagubilin tatlong araw bago ang takdang petsa. Kumpirmahin sa mga bisita na natanggap nila ang mga iyon at alamin kung may mga tanong sila.

  • Siguraduhing makakaugnayan ka sa oras ng pag‑check in. Siguraduhing makakaugnayan ka o ang co‑host para maayos kaagad ang anumang isyu.

  • Regular na tiyaking gumagana ang lahat ng sistema, at siguraduhing may backup na plano ka. Sasalubungin mo man mismo ang mga bisita o bibigyang‑daan mo ang sariling pag‑check in, mainam na may kopya ng susi sa lockbox.

Mababasa ng mga bisita ang idinagdag mong mga tagubilin sa gabay sa pagdating at tab na Mga Biyahe nila 48 oras bago ang takdang pag‑check in, o 24 na oras bago iyon kung mayroon kang flexible na patakaran sa pagkansela.

Pagsalubong na karapat‑dapat bigyan ng 5 star

Mahalagang bahagi ng karanasan sa pag‑check in kung ano ang mararamdaman ng mga bisita kapag pumasok sila sa patuluyan mo. Malaking bagay sa pagtanggap ng mga bisita ang kalinisan at pakikipag‑ugnayan.

  • Siguraduhing walang dumi sa patuluyan mo. Bumuo ng gawain sa paglilinis na may kasamang paglilinis at/o pag‑aalis ng alikabok sa lahat ng ibabaw, sahig, at tela, at pagtitiyak na walang mantsa, dumi, at buhok.

  • Siguraduhing mapapansin ang mahalagang impormasyon. Ilagay sa puwestong madaling mapansin ang network at password ng wifi at ang naka‑print na kopya ng manwal ng tuluyan at guidebook mo para madaling masanggunian ng mga bisita ang iyong mga tagubilin at rekomendasyon. Tiyaking nasa page ng listing mo rin ang mga ito.

  • Mag‑iwan ng pambungad na regalo. Maraming nakakawiling paraan para salubungin ang mga bisita. Puwedeng simple lang ito gaya ng pagsulat ng maikling mensahe o pagbibigay ng lokal na pagkain.

  • Ipaalam sa mga bisita na malalapitan ka. Maghanda ng nakaiskedyul na mensahe na ipapadala kapag nag‑check in na ang mga bisita na magpapaalam sa kanila na puwede silang lumapit sa iyo o sa co‑host sakaling magkaproblema.

Pumunta sa tab na Mga Listing para i‑update ang mga tagubilin sa pag‑check in mo.

Posibleng nagbago ang impormasyong nakasaad sa artikulong ito mula noong na‑publish ito.

Airbnb
Ene 3, 2020
Nakatulong ba ito?