Ano ang mangyayari kapag nagkansela o nagbago ng booking ang mga bisita?

Walang katiyakan ang buhay, at may mga pagkakataong kailangang kanselahin o baguhin ng mga bisita ang kanilang mga reserbasyon. Maaari ka pa ring makatanggap ng bayad—na tinatawag na payout—kahit magkansela ang bisita depende sa iyong patakaran sa pagkansela at kung gaano kaaga magkakansela ang bisita.

Narito ang dapat mong asahan kung kanselahin o baguhin ng mga bisita ang kanilang booking o kung humiling sila ng bahagyang refund.

Kung kakanselahin ng bisita ang booking niya, malalapat ang iyong patakaran sa pagkansela. Kung may payout kang dapat matanggap, karaniwang ipapadala sa iyo ang halaga pagkalipas ng 24 na oras mula sa nakaiskedyul na oras ng pag-check in ng bisita.

Halimbawa, kung mayroon kang medyo mahigpit na patakaran sa pagkansela at magkakansela ang bisita kung kailan wala nang pitong araw bago ang pag-check in, babayaran ka ng 100% ng nakatakdang presyo kada gabi para sa lahat ng gabi. Hindi kasama rito ang anumang buwis at bayarin. Ipapadala namin ito pagkalipas ng 24 na oras mula sa nakaiskedyul na oras ng pag-check in ng bisita. Hindi ka makakatanggap ng bayarin sa paglilinis, bayarin para sa alagang hayop, o bayarin para sa dagdag na bisita kung hindi magche-check in ang bisita.

Mahahanap mo anumang oras ang rekord ng anumang payout o pagsasaayos sa talaan ng transaksyon mo.

Alamin pa kung paano ka mababayaran

Kung baguhin ng bisita ang kanyang booking, karaniwang magpapadala kami ng bayad pagkalipas ng 24 na oras mula sa bagong oras ng pag-check in niya. Kung nagho-host ka ng mas matatagal na pamamalagi, makakatanggap ka ng buwanang payout para sa mga reserbasyong ito.

Halimbawa, kung aaprubahan mo ang kahilingan sa pagbago ng reserbasyon para makapamalagi ang bisita nang 10 araw sa Agosto sa halip na 10 araw sa Hunyo at babaguhin niya ang reserbasyon habang hindi pa nalalapat ang iyong patakaran sa pagkansela, ipapadala namin ang iyong payout pagkalipas ng 24 na oras mula sa bagong oras ng pag-check in ng bisita.

Kung babaguhin ng bisita ang kanyang reserbasyon sa panahon ng pamamalagi, maaaring maapektuhan ang mga payout na ipapadala sa iyo sa hinaharap.

Halimbawa, kung mag-check in ang bisita sa iyong patuluyan para sa reserbasyong may tagal na 20 araw, ipapadala namin ang iyong payout pagkalipas ng 24 na oras mula sa oras ng pag-check in niya. Gayunpaman, kung kailanganin niyang magkansela at umalis sa ika-10 araw at mayroon kang flexible na patakaran sa pagkansela, dapat kang makatanggap ng bayad para sa bawat gabi ng pamamalagi niya at isang karagdagang gabi.

Kung mag-check in ang bisita sa iyong patuluyan nang inaasahan ang isang amenidad pero wala o sira ito, maaari siyang humiling ng bahagyang refund. Halimbawa, kung biglang nasira ang hot tub na isang pangunahing feature ng iyong villa, maaaring makipag-ugnayan sa iyo ang bisita para humiling ng bahagyang refund.

Hindi mo makokontrol kung kailangang kanselahin o baguhin ng bisita ang kanyang reserbasyon. Gayunpaman, para matiyak na komportable ka sa iyong mga setting, puwede mong suriin ang mga patakaran sa pagkansela para sa bisita at piliin ang naaangkop sa iyo.

Mainam ding magsagawa ng regular na pagmementena at makipag-ugnayan sa mga bisita sa mahahalagang pagkakataon para masiguro mong handa para sa pamamalagi ng mga bisita ang iyong patuluyan at makakatulong ka kung magkaroon ng problema.

Posibleng nagbago ang impormasyong nakasaad sa artikulong ito mula noong na-publish ito.