Ginagawang mas sustainable ng mga host sa Airbnb ang kanilang mga patuluyan

Noong nakaraang taon, nag-host ang Airbnb ng event na Meet the Experts sa Edinburgh, Scotland, para malaman pa ng mga host ang tungkol sa pagiging sustainable at pagtitipid ng enerhiya mula sa ilang mapagkakatiwalaang awtoridad, kabilang ang Big Clean Switch at Olio. Maraming masasabi ang mga ekspertong ito tungkol sa pagpapabuti ng epektibong paggamit ng enerhiya, pagpapalit ng mga supplier, pagreresiklo, at mga nasasayang na pagkain.

Ngayon, sa gaganaping Earth Day sa Abril 22—at para maturuan ang mga host ng mga kasanayan na angkop para sa kapaligiran na puwede nilang gawin buong taon—ibinabahagi naming muli ang mga tip at diskarteng ito sa komunidad ng mga host sa Airbnb. Tingnan kung ano ang masasabi ng mga ekspertong ito:

Anna, Superhost: Paano nakakaapekto nang napakalaki ang mga maliliit at araw-araw na pagbabago sa iyong carbon footprint.

Rebecca Walker, Partnerships Director sa Big Clean Switch: Paano nababawasan ang iyong mga bayarin sa pamamagitan ng paglipat sa renewable na enerhiya.

Saasha Celestial-One, COO sa Olio: Paano makakatulong sa kapaligiran at sa pagpapakain sa iyong lokal na komunidad ang pagbabawas ng mga nasasayang na pagkain.

Habang patuloy kaming nag-aalok ng mga ideya at tool para tulungan kang magtagumpay sa pagho-host, wala nang higit pang nakakaalam sa mga pinakamainam na kasanayan kundi ang aming komunidad ng mga host. Kasalukuyan kaming tutok na nakikipagtulungan sa Host Advisory Board ng Airbnb para bumuo ng serye ng nilalaman tungkol sa sustainable na pagho-host na puno ng mga ekspertong tip at suhestyon para gawing mas angkop para sa kapaligiran ang iyong lugar at mga nakagawian—at para makatulong sa iyong mga bisita na mabawasan ang kanilang carbon footprint kapag bumibiyahe sila.