Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Pangunahing kaalaman tungkol sa pakikipag-ugnayan sa mga bisita

Alamin ang mga tip at makakuha ng mga template para sa pakikipag-ugnayan sa mga biyahero.
Ni Airbnb noong Ene 8, 2020
3 minutong pagbabasa
Na-update noong May 3, 2023

Unang hakbang para matiyak na maganda ang karanasan ng mga bisita ang maayos na pakikipag‑ugnayan sa kanila. Bilang host, kapag malinaw at maagap kang nakipag‑ugnayan sa mga bisita sa sandaling maging interesado sila sa patuluyan mo at kahit nag‑check out na sila, maaari silang maging komportable at maengganyong magbigay ng positibong review.

Mga tip para sa mahusay na pakikipag-ugnayan

Maging matapat. Ayon kay Daniel na host sa San Francisco, palagi niyang sinasabi ang totoo tungkol sa patuluyan niya. “Kailangang magtugma ang sinasabi mo sa mga bisita na madadatnan nila at ang madadatnan nila pagdating nila sa listing mo,” sabi niya. “Huwag mong masyadong ipagmalaki ang listing mo para mas maganda kaysa sa inaasahan ng mga bisita ang madatnan nila. Mas mainam nang ganoon ang mangyari kaysa kabaligtaran pa.”

Maging mausisa. Puwede kang maging ingklusibo sa pamamagitan ng pagtatanong sa mga bisita: Ano ang kailangan mo para maging komportable ka at maramdaman mong para mong tahanan ang patuluyan ko? May malaking epekto ang pagpaparamdam ng malasakit at pag-iwas sa pag-iisip ng mga haka-haka.

Maging madaling lapitan. Palagi itong sinasabi ni Annette na Superhost sa San Francisco sa mga bisita niya: “Huwag subukang magkumpuni kahit gaano kaliit lang ang aayusin. Makipag-ugnayan kaagad sa amin at kami ang bahala sa pag-aayos.” Para sa mga karaniwang isyu, gumagamit ang mga bihasang host ng mga mabilisang tugon para makipag-ugnayan sa mga bisita.

Maging mapagmalasakit. Sa pamamagitan ng pagpapamalas ng mga munting kabutihan, maaaring maging mas maganda ang karanasan mo at ng mga bisita sa pamamalagi nila. Kung magkaproblema, kadalasang sinasabi ng mga bisita na pinakamahalaga para sa kanila ang paraan ng pagtugon ng mga host nila.

Maging wais. Nagbibigay ng dagdag na proteksyon ang pakikipag-ugnayan sa mga bisita sa Airbnb app dahil may rekord ng lahat ng pag-uusap sakaling magkaproblema at kailanganin mong ipaabot ang mga iyon sa customer service. Madali mo ring mahahanap ang lahat ng impormasyon ng bisita sa iisang lugar.

Mahahalagang sandali kung kailan dapat makipag-ugnayan sa mga bisita

Pagtatanong para sa pagbu‑book: Natutuwa ang mga bisita kapag mabilis kang sumagot sa mensahe nila tungkol sa pagbu‑book sa patuluyan mo. Subukang tumugon sa lahat ng pagtatanong ng mga bisita sa loob ng 24 na oras.

Mahalaga ang mabilis na pagtugon hindi lang para masigurong maganda ang karanasan ng mga bisita kundi dahil isa rin ito sa mga pamantayan para maging Superhost. Sa pamamagitan ng mga nakaiskedyul na mensahe, mapaghahandaan mo habang maaga pa kung paano ka magbabahagi ng impormasyon sa mga bisita.

Sa pagbu‑book: Kadalasang natutuwa ang mga bisita kapag pinapadalhan sila ng mga host ng mensaheng “Salamat sa pagbu‑book.”

Maaari mong iangkop sa bisita ang pambungad na mensahe mo gamit ang impormasyong mula sa profile niya. Puwedeng kasama rito ang mga tanong tungkol sa kanyang mga interes, bayang kinagisnan, at mga hobby. Pagkakataon mo rin ito para magtanong ng mga karagdagang bagay, halimbawa, kung bakit siya bibisita sa lugar at kung sino ang kasama niya.

Bago ang takdang pagdating: Dapat bigyan ang mga bisita ang malilinaw na direksyon at detalye sa pag-check in para masigurong walang aberya sa pagdating nila.

Para sagutin ang mga karaniwang tanong, punan ang lahat ng patlang sa seksyong Impormasyon para sa mga bisita sa tab na Mga listing, kabilang na ang mga direksyon papunta sa patuluyan mo, mga tagubilin sa pag‑check in, at wifi. Ibabahagi ito sa tab na Mga biyahe ng mga bisita 48 oras bago ang nakaiskedyul na oras ng pag‑check in nila.

Pag‑check in: Ayon sa mga bisita, lalo na sa mga bisitang mula sa mga dati nang marginalisadong komunidad, mas komportable sila kapag may sariling pag‑check in. Puwede ka ring gumawa ng manwal ng tuluyan na may impormasyon kung paano gamitin ang iba't ibang system at kasangkapan sa patuluyan mo.

Pagkalipas ng unang gabi: Maraming host ang nagsasabing patuloy silang nakikipag‑ugnayan sa mga bisita sa panahon ng pamamalagi. Nakakatulong ang pagiging maagap at pangungumusta.

Bago ang takdang pag‑check out: Tukuyin kung ano ang kailangang gawin ng mga bisita bago mag‑check out. Nagpapadala kami ng paalalang nagsasaad sa oras ng pag‑check out at mga tagubilin sa pag‑check out isang araw bago ang nakatakdang pag‑alis nila.

Pagkatapos makaalis: Magandang bigyan kaagad ng review ang mga bisita. Maging magalang at sumunod sa iisang hanay ng mga pamantayan sa pagbibigay ng review sa lahat ng bisita. May mga host na nagpapadala ng maikling mensahe para pasalamatan ang mga bisita sa kanilang pamamalagi.

Airbnb
Ene 8, 2020
Nakatulong ba ito?