Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Paggawa ng nakakaengganyong paglalarawan ng listing

Tulungan ang mga bisita na maisip ang magiging karanasan nila sa tuluyan mo.
Ni Airbnb noong Nob 18, 2020
2 minutong pagbabasa
Na-update noong Nob 28, 2023

Isa sa pinakamahuhusay na paraan para magtakda ng mga dapat asahan at makahikayat ng mga booking ang pagsusulat ng malinaw na paglalarawan. Ipaalam sa mga bisita kung ano mismo ang maaasahan nila pagkarating nila.

Gawin ang paglalarawan ng listing mo

May mahigit 7 milyong tuluyan sa Airbnb. Gamitin ang seksyong Paglalarawan ng listing para ilarawan kung ano ang espesyal sa tuluyan mo.

  • Panatilihing maikli ito. Kadalasang hinahapyawan lang ng mga bisita ang paglalarawan ng listing para hanapin ang mahahalagang feature. Magsimula sa pinakamahalaga at huwag mag‑ulit ng impormasyong nasa ibang seksyon na ng listing mo tulad ng kumpletong listahan ng mga amenidad.
  • Isaad ang kuwento ng tuluyan mo. Maging partikular tungkol sa karanasang iniaalok mo sa mga bisita. Puwedeng maging “perpektong mauuwian habang nag‑e‑explore sa lungsod” ang isang pangkaraniwang kuwarto sa bayan. Puwedeng “para kang nasa treehouse” sa apartment na napapalibutan ng mga puno sa pinakamataas na palapag.

  • Magtuon sa mga espesyal na feature. Ipaliwanag kung ano ang katangi‑tangi sa tuluyan mo at bigyang‑diin ang mga amenidad na hinahanap‑hanap ng mga bisita. Magbasa ng ibang paglalarawan ng listing at review para magkaroon ng ideya at alamin kung anong impormasyon ang gustong malaman ng mga bisita.

  • Maging makatotohanan. Posibleng madismaya at magbigay ng negatibong review ang mga bisita kung sobra‑sobra at hindi na makatotohanan ang pagmamalaki mo sa tuluyan mo. Maging tapat tungkol sa mga aspeto ng property na posibleng maging problema para sa ilang bisita, kabilang ang mga taong may limitadong paggalaw o mga bata.

Punan ang lahat ng iba pang seksyon

Gamitin ang mga natitirang seksyon para tulungan ang mga bisita na maunawaan ang karanasan ng pamamalagi sa tuluyan mo.

  • Property mo. Magsulat ng pangkalahatang paglalarawan ng mga kuwarto at lugar at bigyang‑diin ang mga nakakatuwa at praktikal na detalye na magandang malaman ng mga bisita. Halimbawa, “Nakabakod ang bakuran at may espasyo para makatakbo-takbo ang mga bata at alagang hayop.”
  • Access ng bisita. Ipaalam sa mga bisita kung aling mga bahagi ng tuluyan ang magagamit nila. Halimbawa, “Magagamit ng mga bisita ang patyo na nakabahagi sa pangunahing bahay.”
  • Pakikipag‑ugnayan sa mga bisita. Piliin ang gusto mong antas ng personal na pakikihalubilo para maitakda ang dapat asahan. Puwedeng personal kang makikihalubilo sa mga bisita o limitahan mo ito sa pakikipag‑ugnayan sa app.
  • Iba pang detalyeng dapat tandaan. Maglagay ng anupamang gusto mong malaman ng mga bisita na hindi nakasaad sa ibang seksyon. Halimbawa, “10 minutong lakad lang ang layo ng bahay sa sentro ng lungsod.”

Posibleng nagbago ang impormasyong nakasaad sa artikulong ito mula noong na‑publish ito.

Airbnb
Nob 18, 2020
Nakatulong ba ito?