Mas madali na kaysa dati na magdagdag at mag-edit ng mga amenidad

Puwedeng magkaroon ng malaking epekto sa biyahe ang maliliit na detalye ng listing gaya ng uri ng kape na iinumin ng bisita o tanawin na makikita nila sa umaga. Gusto naming padaliin para sa iyo na magbigay ng higit pang impormasyon sa mga potensyal na bisita tungkol sa mga partikular na amenidad na mayroon sa iyong tuluyan, para matulungan kang magtakda ng dapat asahan at magbigay ng five-star na pamamalagi. Kaya naman nagdagdag kami ng mahigit 40 bagong opsyon sa amenidad, at mga bagong paraan para maging mas partikular at i-edit ang mga detalye ng iyong listing.

Maaaring ang kagubatan na matatanaw mula sa bintana sa sala o ang malawak na karagatan na matatanaw mula sa sunroom ang ipinagmamalaki mong detalye, kaya idinagdag namin ang “magandang tanawin” sa mga opsyon sa amenidad. Matutulungan mo nang mamukod-tangi ang iyong tuluyan dahil sa tanawin nito ng kabundukan, buong lawa, o maging isang bahagi ng lawa. Makakapaghanap ang mga bisita ng mga listing na nagtatampok ng mga paborito nilang tanawin—at magagawa mong magtakda ng makatotohanang dapat asahan tungkol sa hitsura ng tanawin.

Puwede kang magdagdag ng magandang tanawin sa seksyong ‘Mga Detalye ng Listing’ ng Pangasiwaan ang Iyong Tuluyan. Piliin lang ang iyong listing para i-edit ito.

Maging kusina sa labas, patyo, o blender para sa mga pang-almusal na smoothie man ang itinatampok ng iyong tuluyan, gusto itong malaman ng mga bisita. Narito ang ilan sa mga bagong opsyon sa amenidad na mapagpipilian mo:

• Access sa beach
• Access sa resort
• Kagamitan sa pag-eehersisyo
• Duyan
• Mga babasahin

Makakapagplano nang maaga ang mga bisita kapag alam nila ang dapat asahan sa panahon ng kanilang pamamalagi. At napakahalagang magtakda ng dapat asahan: Natutunan namin sa aming mga Superhost na hindi kailangang perpekto ang iyong property, pero mahalagang sabihin sa mga bisita kung ano mismo ang madadatnan nila pagdating nila.

Pinagsama-sama namin ang mga pinakasikat na amenidad para matulungan kang hanapin at piliin ang mga ito nang mabilisan. Halimbawa, puwede mo nang isaad na may wifi, TV, nakatalagang workspace, washer, air con, at higit pa sa iyong tuluyan—sa isang seksyon lang.

Pinanatili namin na magkakasama ang mga amenidad ayon sa lugar kung nasaan ang mga ito, kaya mapipili mo nang magkakasabay ang lahat ng amenidad mo sa kusina, pero nagdagdag kami ng seksyon para sa mga sikat na amenidad para mas mapasimple pa na sabihin sa mga bisita na mayroon sa tuluyan mo ng mga feature na pinakamadalas nilang hanapin.

Dati sa Airbnb, magagamit mo ang feature ng mga amenidad para ipaalam sa mga bisita na nag-aalok ka ng nakatalagang workspace o lugar na nasa labas gaya ng patyo. Ngayon, makakapagbigay ka na ng higit pang detalye sa mga potensyal na bisita. Halimbawa, puwede mong sabihing may desk, monitor, office chair, o lamesa sa iyong tuluyan para matulungan ang mga nagtatrabaho nang malayuan na mahanap ang tuluyang pinakamainam para sa kanila, at puwede mong ipaalam sa mga bisita kung pribado o pinaghahatian ang patyo.

Puwede ka ring maging mas partikular pa tungkol sa ibang amenidad, kabilang ang:

• Mga serbisyo sa pag-stream at device para rito, kabilang ang Apple TV, Netflix, Disney+, at higit pa
• Uri ng coffee maker gaya ng drip, Keurig, o espresso machine
• Uri ng ihawan, gumagamit man ng uling o kahoy
• Fireplace sa loob ng tuluyan, halimbawa, kung electric ito o ginagamitan ng kahoy
• Mga sistema ng heating at cooling

Kung magbabago ang mga amenidad sa iyong listing, mas madali na para sa iyo na i-update ang mga ito nang mabilisan, para maituon mo ang iyong atensyon sa pinakamaigi mong gawin—ang paghahatid ng mahusay na hospitalidad sa iyong mga bisita.