Pagpapakilala nang totoo

Mahalaga ang pagbibigay ng wasto at tumpak na impormasyon ng account sa paglikha ng isang kapaligiran kung saan puwedeng magtiwala sa isa't isa ang Airbnb, Host, at mga bisita.

Ang pinapahintulutan namin

• Mga dobleng account para sa pangangasiwa ng listing: Maaaring magkaroon ng maraming account ang mga propesyonal na host na nagli-list ng napakaraming property para lamang sa epektibong pangangasiwa ng kanilang imbentaryo.
• Mga pagwawasto ng petsa ng kapanganakan (DOB) para tumugma sa nakasaad sa inisyung ID ng gobyerno: May iba't ibang dahilan kung bakit puwedeng magkaroon ng mga pagkakamali sa DOB sa mga account (hal.: mga pagkakamali sa mano-manong paglalagay, pagkalito sa format ng buwan/araw, atbp.). Makipag-ugnayan sa amin para maiwasto ang iyong DOB.

Ang hindi namin pinapahintulutan

• Mga walang bisang ID: Hindi tatanggapin ang mga ID na may sira, nag-expire na, pineke, hindi inisyu ng gobyerno (kapag kinakailangan), walang pangunahing impormasyon ng pagkakakilanlan, o itinuturing na pansamantala.
• Pagkabigong patunayan ang mga account: Kapag nakikipag-usap sa kinatawan ng Airbnb tungkol sa mga bagay na partikular sa account, kakailanganin mong gumawa ng mga partikular na hakbang para patunayan ang iyong pagkakakilanlan.
• Pagpapanatili ng mga dobleng account: Maliban sa ilang propesyonal na host na nangangailangan ng maraming account para sa pangangasiwa ng imbentaryo, hindi dapat gumamit ang mga host at bisita ng mahigit sa isang account o ng iisang ID sa mahigit sa isang account.

Handa kaming tumulong

Kung may masaksihan o maranasan kang asal na labag sa aming mga patakaran, ipagbigay-alam ito sa amin.