Magpapakita ng mga suhestyon pagkatapos i-type ang input sa paghahanap. Gamitin ang pataas at pababang arrow para tumingin-tingin. Gamitin ang enter para pumili. Kung parirala ang pinili, isusumite sa paghahanap ang pariralang iyon. Kung link ang suhestyon, pupunta sa page na iyon ang browser.
Paraan kung paano

Paano ginagamit ng Airbnb ang datos para labanan ang diskriminasyong batay sa lahi?

Isang mahalagang hakbang sa tuloy-tuloy na paglaban namin sa diskriminasyon ang pag-intindi kung kailan at kung paano ito nangyayari. Upang matasa ang mga trend at pattern, maaaring gamitin ng Airbnb ang mga pangalan at litrato sa profile ng mga host at bisita ng Airbnb na nasa United States para matulungan kaming maunawaan ang lahi na maaaring iugnay sa kanila ng ibang tao. Ginagawa namin ito dahil batay sa pananaw ang diskriminasyon, tama man o hindi ang pananaw na iyon. Pagsasama-samahin ang mga impormasyon tungkol sa pananaw na ito at gagamitin ang mga ito para tukuyin at tasahin ang pagkakaiba ng mga karanasan ng mga tao sa Airbnb na maaaring resulta ng diskriminasyon at pagkiling. Nagbigay ng patnubay ang mga tagapagtaguyod at eksperto sa privacy ng datos para matiyak na hindi nauugnay ang datos na ito sa account sa Airbnb ng isang tao. Makakatulong sa amin ang pagsusuri sa mga pagkakaiba na ito sa mga karanasan ng mga tao na makagawa ng mga bagong feature at patakaran para matugunan ang mga ito.

Matuto pa tungkol sa ginagawa namin para labanan ang diskriminasyon sa Airbnb.

Ang ginagawa namin sa impormasyon ng pangalan at litrato sa profile

Kadalasang ibinabatay ng mga tao ang kanilang pananaw sa lahi ng isang tao sa pangalan at hitsura nito. Kaya para malaman ang mga pananaw na ito, nagbabahagi kami ng mga litrato sa profile sa Airbnb kasama ang mga pangalan na nauugnay sa mga ito sa isang independiyenteng partner na hindi bahagi ng Airbnb. Kumikilos ang partner na ito alinsunod sa kasunduan sa mahigpit na kompidensyalidad, kaya pinagbabawalan silang ibahagi ang impormasyong ito kahit kanino.

Sinusuri ng partner ang mga litrato at pangalan na ito at isinasaad nila kung anong lahi ang naiisip nila batay sa impormasyon. Bago ibahagi ang kanilang mga pananaw sa isang espesyal na team sa Airbnb, inaalis ang lahat ng impormasyong nag-uugnay ng inaakalang lahi sa isang account, kabilang ang litrato, pangalan, at anupamang detalye na puwedeng magamit para alamin kung sa aling account sa Airbnb ito nanggaling.

Hindi namin magagamit at hindi namin gagamitin ang impormasyong ito para baguhin ang indibidwal na karanasan ng kahit na sino sa Airbnb, at hinding-hindi namin ito ibebenta o gagamitin sa anumang marketing o pag-advertise. Ginagamit lang namin ito para magsaliksik at tugunan ang diskriminasyon, at gagamitin ang anumang matutuklasan para makatulong sa pagbuo ng mga bagong feature at patakaran na magbibigay ng mas patas na karanasan para sa lahat.

Mababasa mo ang higit pang detalye ng pamamaraan sa aming technical paper na available para sa lahat.

Kung ayaw mong gamitin namin ang iyong impormasyon

Sa ngayon, ilang bisita at host lamang na nasa United States ang kasama sa inisyatibong ito. Para sabihan kaming huwag gamitin ang iyong litrato sa profile at pangalan para sa gawaing ito, pumunta sa tab na Paggamit ng datos ng page na Privacy at pagbabahagi ng iyong account at i-off ang setting. Kung mahigit sa 72 oras nang aktibo ang iyong account at wala itong tab na Paggamit ng datos, hindi ginagamit ang iyong impormasyon para sa inisyatibong ito.

Nakatulong ba ang artikulong ito?

Mga kaugnay na artikulo

Magpatulong hinggil sa iyong mga reserbasyon, account, at marami pang iba.
Mag-log in o mag-sign up