Kung magkaroon ka ng problema o isyu sa panahon ng pamamalagi mo

May 72 oras ka para mag‑ulat ng anumang isyu sa host o sa Airbnb mula sa oras na mapag‑alaman mo ito.

Idokumento ang isyu at magpadala ng mensahe sa host

Narito kung paano maghanda:

• Idokumento ang isyu: Kung posible, kumuha ng litrato o video ng wala o sirang amenidad para idokumento ito.
• Magpadala ng mensahe sa host: Sa host pinakamainam na makipag‑ugnayan kung magkaroon ng anumang isyu sa pamamalagi mo. Malamang na matutulungan ka niyang ayusin ang isyu. Puwede kang direktang magpadala ng mensahe sa host para ipaalam sa kanya kung ano ang nangyayari.
• Humiling ng refund: Kung kailangan mong humiling ng refund dahil sa isyu, mas malaki ang posibilidad na tanggapin ng host ang kahilingan kung magkakasundo muna kayo sa halaga. Magpadala ng kahilingan para sa refund sa host sa Resolution Center at ibigay ang mga detalye ng isyu kasama ang mga litrato o video.

Humingi ng tulong sa Airbnb

Bagama't gusto naming direktang ayusin ng mga host at bisita ang mga bagay-bagay kung magagawa nila, alam naming may mga panahong hindi ito posible. Kung hindi malulutas ng host ang isyu, hindi siya tutugon, o tatanggi siyang magbigay ng refund, ipaalam ito sa amin o i‑tap ang Humingi ng Tulong sa page ng reserbasyon. May miyembro ng team namin na tutulong para malutas ang isyu.

Kung matukoy naming saklaw ng AirCover para sa mga bisita ang isyu, tutulungan ka naming maghanap ng ibang matutuluyan depende sa availability at pagkakatulad ng presyo. Kung walang available na katulad na matutuluyan o ayaw mong mag‑book sa iba, bibigyan ka namin ng buo o bahagyang refund.