Mga pangkaligtasang tip para sa pagpili ng tuluyan

Kapag bumibiyahe, karaniwang kailangang maglaan ng sarili mong oras at pera. Alam naming gusto mong makahanap ng tuluyan na mainam para sa iyo. Narito ang ilang tip para matulungan kang bumiyahe nang may kumpiyansa dahil alam mong tama ang napili mo.

Alamin ang naaangkop para sa iyo

Una, humanap ng tuluyan na angkop sa mga pangangailangan mo gamit ang iba't iba naming filter sa paghahanap. Kapag nakahanap ka ng tuluyan na talagang nagustuhan mo, maglaan ng panahon para basahin ang profile ng host at paglalarawan ng listing, at partikular na pagtuunan ng pansin ang mga amenidad, alituntunin sa tuluyan, at patakaran sa pagkansela.

Basahin ang mga rating at review

Palagi naming inirerekomendang basahin ang feedback mula sa iba pang bisita dahil magandang paraan ito para mahanap ang angkop para sa iyo. May mga rating sa mga subcategory na tulad ng kalinisan at katumpakan, at may mga detalyadong review rin mula sa mga kapwa biyahero. Makakapagbigay lang ng review ang mga bisita pagkatapos ng pamamalagi nila kaya makakasiguro kang mula sa tao na talagang namalagi roon ang feedback na nasa review.

Kailangan mo ba ng higit pang impormasyon? Alamin ang proseso ng pagbibigay ng review para sa tuluyan.

Suriin ang mga pangkaligtasang feature

Mainam na alamin kung may mga smoke at carbon monoxide detector sa property. Nakasaad ito sa listahan ng mga amenidad sa Kaligtasan sa tuluyan.

Magbasa pa tungkol sa mga smoke at carbon monoxide detector sa Help Center.

Magtanong sa host

Gamit ang aming tool sa pagpapadala ng mensahe, ligtas at madali kang makakapagtanong sa potensyal na host bago ka mag‑book. Puwede ka ring magpadala sa kanya ng mensahe pagkatapos mag‑book para ayusin ang pag‑check in, magtanong pa, at patuloy na makipag‑ugnayan sa panahon ng pamamalagi mo. Matuto pa tungkol sa pakikipag‑ugnayan sa mga host.

Sa Airbnb palaging makipag‑ugnayan at magbayad

Gamitin ang ligtas na platform namin sa buong proseso, gaya sa pakikipag‑ugnayan, pagbu‑book, at pagbabayad, para matiyak na ligtas ka, ang pagbabayad mo, at ang personal na impormasyon mo. Hindi dapat hilingin sa iyo na magpadala ng pera, magbigay ng impormasyon ng credit card, o direktang magbayad sa host. Kung mangyari iyon, agad na iulat ito sa amin.

Magsagawa ng pagsusuring pangkaligtasan

Pagkarating mo, mainam na hanapin ang impormasyong pangkaligtasan at mga naaangkop na kagamitang pang‑emergency gaya ng fire extinguisher o first aid kit. Kung hindi ka sigurado kung nasaan ang isang bagay, huwag mag‑atubiling magtanong sa host. Palaging mas mainam na maging handa.

Magsaliksik tungkol sa mga lokal na alerto at babala sa pagbiyahe

Bumibiyahe ka man sa pamamagitan ng Airbnb o hindi, mainam na magsaliksik tungkol sa destinasyon mo bago ka bumiyahe at sumangguni sa lokal na embahada para malaman kung may anumang babala sa pagbiyahe o espesyal na rekisito. Halimbawa, dapat sumangguni ang mga biyaherong mula sa USA sa Kagawaran ng Estado ng US para humingi ng impormasyon tungkol sa visa at babala sa pagbiyahe. Matuto pa sa aming page na Kaligtasan ng host at bisita.

Handa kaming tumulong

Kung kasalukuyang may emergency, makipag‑ugnayan sa mga lokal na serbisyong pang‑emergency o awtoridad na nagpapatupad ng batas para humingi ng tulong.

Handa kaming tumulong 24 na oras kada araw para sa iba pang isyu sa kaligtasan. Magbasa pa para alamin kung paano makipag‑ugnayan sa amin sa Help Center.

Tandaan: Kapag may emergency o kung may banta sa kaligtasan mo, makipag‑ugnayan kaagad sa lokal na pulisya o mga serbisyong pang‑emergency.