Paano nagho-host si Dorothee
Nagho-host si Dorothee sa London para ibahagi ang kanyang tuluyan sa iba
Ano ang motibasyon mo sa pagsisimulang mag-host?
Mula noong binili namin ang bahay namin humigit-kumulang 11 taon na ang nakalipas, palagi nang may nakikituloy sa amin. Bahagi ito ng aming paraan ng pamumuhay, lalo na't mayroon kaming silid-tulugan na halos hindi namin ginagamit. Maganda ang lahat ng naging karanasan namin. Dinadala namin ang mundo sa aming patuluyan. At magandang paraan din ito para sulitin ang meron kami bilang asset—ang bahay namin.
Paano mo tinatanggap ang mga bisita sa iyong tuluyan?
Kung nagtatrabaho pa ako pagdating ng mga bisita, ang anak ko na babae ang kadalasan na nag-aayos sa pag-check in. Gustong-gusto niya itong gawin at, para sa kanya, trabaho niya ito. Magandang introduksyon ito para sa mga bisita namin, dahil lubusan nilang mababatid na tuluyan na pampamilya ito.
Nakakasalamuha din ba nang maayos ng iyong mga anak ang mga bisita?
Sa totoo lang, nagsasabi ang mga bata ng, “Dapat kang pumunta sa restawran na 'yon. Dapat kang pumunta sa kapihang 'yon. Dapat mo talagang matikman ang burger na 'yon.” Talagang natutuwa roon ang karamihan ng mga bisita. Nararamdaman nilang mainit silang tinatanggap, at para sa kanila, nararanasan nila kung paano mamuhay sa South London.
Paano nabago ng pagho-host ang pagtrato mo sa iyong tuluyan?
Sinisiguro kong malinis na malinis ang kusina namin (hindi madali kapag mayroon kang dalawang anak!) at tinitiyak kong maayos at maaliwalas ang hardin sa harap.
Ano ang nagawa mo bunga ng dagdag na kita mula sa pagho-host?
Bumibili kami ng mga lokal na produkto, sa mga pamilihan ng mga magsasaka, at kumakain kami ng magaganda at sariwang organikong produkto, na maaaring hindi namin makayanan kung hindi kami nagho-host sa Airbnb.
Mahalaga ba para sa iyo ang pleksibilidad ng platform ng Airbnb, kung saan maaari kang magtakda ng sarili mong mga alituntunin?
Napakahalaga nito, gaya ng aasahan mo kapag mayroon kang dalawang anak. Mayroon kaming mga aktibidad, marami kaming ginagawa, at kung minsan, gusto naming sa amin lang ang lugar. Mainam na mayroong pleksibilidad na magpasya kung kailan namin gustong mag-host.
Isa sa mga alituntunin mo na bahagi ng pamilya ang mga bisita sa panahon ng kanilang pamamalagi. Puwede mo ba itong ipaliwanag pa?
Kadalasan na ikinatutuwa at naiintindihan ng mga bisita na—kapag nag-book sila sa amin, nakasaad sa paglalarawan na lugar na pampamilya ito. At kung handa silang makihalubilo sa mga bata, mas maganda. Kadalasan, ang ibig sabihin nito ay paminsan-minsan iinom kaming lahat ng tsaa sa kusina nang sama-sama. Pag-uusapan namin ang araw namin, pagkatapos ay magpapatuloy ang lahat sa kani-kanilang gawain. Magandang ugnayan iyon.